Notísia foun


Timor Post (24/11/2020)— “Iha dúvidas balun entre istoriador, analista balun, ha’u rasik momentu ne’eba, tanba ema balun hatete, sé desizaun atu halo deklarasaun unilateralmente proklamasaun independénsia ne’e, desizaun ne’ebé loos, ou desizaun ne’e mak aselera invazaun,” Premiadu Nobel da Paz, José Manuél Ramos Horta.

Tanba até momentu ne’eba Portugal iha responsabilidade legal. Timor nu’udar provínsia i Portugal nu’udar Estadu Soberanu. “Ne’e hanesan difisil liu para rai seluk invade territóriu ida ke iha administrasaun soberanu,” Horta subliña iha Grande Entrevista GMNtv, Segunda (23/11/2020), nu’udar reflesaun ba selebrasaun tinan 45 Proklamasaun Independénsia RDTL, 28 Novembru.

Maske nune’e, Horta dehan, intrepretasaun balun mós katak, Komité Sentral FRETILIN deside proklamasaun unilateralmente independénsia iha momentu ne’eba bainhira Atabae monu ona iha militar Indonézia nia liman.

“Ita hakrúk ba Komite Sentral FRETILIN ke hamriik iha momentu ne’eba, deside proklama unilateralmente independénsia RDTL,” Horta subliña.

“Iha retrospetiva, hateke ba kotuk, ha’u hatete nune’e, ha’u la fi’ar ke desizaun Komite Sentral halo deklarasaun unilateral maka provoka invazaun 7 de Dezembru, ha’u la konkorda ho ida ne’e,” nia afirma.

Hatutan tan, keklarasaun unilateral ka la halo, Indonézia invade nafatin, tanba sira tama tiha ona, primeiru iha Batugade, depois Balibo, Maliana, Atabae.

“Purtantu, hakruuk ba desizaun ida ne’e ke mai husi Komite Sentral, i ne’e ha’u hatete, sira joven, ami joven, idade 24, 25, 26, Nicolau Lobato 28, Xavier Amaral 30 ital, mas kuaze Komites Sentral ne’e 20 ital anos de’it. Fi’ar ida ne’e, mehi ida ne’e, balun hatete romantizmu, balu hatete injenuidade, maibé rejultadu mak ne’e, ho buat ajneira barak halo, erros barak halo, i tanba halo erros barak, divizaun barak, ha’u admira liu tan apezar de erros lubuk ida, inkluindu erros tátika militar, divizaun iha Komite Sentral, manan nafatin,” Horta salienta. (cao)

Please follow and like us:

NOTÍSIA FOUN

Site Statistics

  • Users online: 0 
  • Visitors today : 171
  • Page views today : 194
  • Total visitors : 238,361
  • Total page view: 344,315