Notísia foun


Timor Post (17/11/2020)-Prezidente Autoridade Nasionál Petrolia no Menerais (ANPM), Florentinho Mateus Ferreira, alvu ka objetivu sei kontinua iha nia mandatu maka halo diskusaun relasiona ho rejime espesiál ba greater sunrise nian no mós promove no diversifika setór mineiru.

“Alvu ka objetivu ne’ebé ita atu kontinua mak halo diskusaun relasiona ho rejime espesiál ba greater sunrise nian no mos alvu seluk mak atu promove no diversifika setor mineiru hanesan ita hotu hatene katak ita nia kodigu mineiru ne’e oras ne’e iha hela parlamentu nasionál,” Florentinho esplika liu hosi audiénsia públika ho Komisaun C (Finansas Públika) no Komisaun D (Ekonomia no Dezenvolvimentu), iha plenária Parlamentu Nasionál, tersa (17/11).

Aleinde ne’e nia hatutan, ANPM mós fó prioridade ka atensaun maka’as liu ba aspetu transparénsia ou boa governasaun nian ne’ebé kontempla iha auditoria ne’ebé hala’o internalmente no mós ba kualkér relatóriu sira ne’ebé mak iha no relatóriu lubuk ida mak publika ona iha website ANPM nian no mós ANPM hala’o ona auditoria ho tribunal das kontas iha tinan hirak liu ba to’o iha 2015.

Nia mós informa katak Timor-Leste tama iha faze kritika ka iha tempu badak posu iha Bayu Undang sei maran, tanba ne’e nia dehan TL presiza buka alternativa atu bele kontinua buka fila fali ou fó sustentabilidade ba iha setór ida ne’e ba oin.(Jornalista : Julio Salinas Soares)

Please follow and like us:

NOTÍSIA FOUN

Site Statistics

  • Users online: 1 
  • Visitors today : 1,121
  • Page views today : 1,450
  • Total visitors : 84,968
  • Total page view: 119,257

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur