Notísia foun


DILI—Komandante Polísia Munisípiu Dili, Superintendente Xefe Polísia Henrique da Costa, hatete, ho total membru efetivu hamutuk 480 la to’o atu kobre populasaun kuaze rihun atus haat.

Atualmente, Komandante Henrique haktuir, númeru Polísia Munisipiu Dili iha de’it 510 pesoas, maibé efektivu servisu iha de’it 480.

“Ita halo komparasaun ho ita nia komunidade iha Munisipiu Dili 340 Mill, aumenta tan abitante hosi munisipiu 12 seluk ne’ebé maka iha mos Dili, sidadaun estranjeiru sira, ita bele hatete katak abitante iha Munisipiu Dili ne’e purvolta 400 Mill, ita halo komparasaun dook liu,” Komandante Henrique ba jornalista sira iha kuartel PNTL Munisipiu Dili, Sesta, (13/11/2020).

Tuir nia, estandar internasionál kada membru polísia kobre de’it populasaun husi 200 to’o 300, maibé realidade iha Dili, bele konta kada membru polísia kobre populasaun 800.

Maske nune’e, Komandante Henrique afirma, kontinua halo esforsu atu nune’e mantein paz no hakmatek iha Munisípiu Dili.

Nia informa, hato’o ona preokupasaun hotu ba Komandu Jeral PNTL no kontinua husu tulun husi Unidade Espesiál Polísia iha atividade operasaun tomak. (Jornalista: Florindo Coluna)

Please follow and like us:

NOTÍSIA FOUN

Site Statistics

  • Users online: 2 
  • Visitors today : 316
  • Page views today : 369
  • Total visitors : 77,692
  • Total page view: 108,834

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur