Notísia foun


Timor Post (10/11/2020)- Oitavu Governu Liu Hosi Ministériu Transporte no Komunikasaun (MTK) sei muda terminal Bekora-Dili ba Hera-Metinaru no Tasi Tolu ba Tibar-Likisá hodi haluan tan sidade Dili.

Ministru José Agostinho da Silva, hato’o informasaun ne’e ba Jornalista sira iha Palasiu Governu, Tersa (10/11), hafoin hasoru malu ho Primeiru Ministru, Taur Matan Ruak.

“Ohin (tersa) hato’o ba Primeiru Ministru kona-ba polítika governu nian liu hosi MTK iha setór transporte terestre ninian, kona-ba konstrusaun portu no terminal rejionál, terminal ida ne’ebé mak ba populasaun sira hosi parte leste ninia no mós Oeste nian hanesan terminal Bekora sei muda ba Hera no Terminal Tasi Tolu sei muda ba Tibar, atu nune’e ita loke tan espasu ba sidade Dili”, Ministru revela.

Agostinho justifika tanba Tasi Tolu nu’udar fatin istóriku, sítiu nasaun ninian ne’ebé presiza konserva no prezerva, hodi eventu boot estadu ninian realiza beibeik iha Tasi Tolu.

“Razaun hirak ne’e mak atu muda sai Terminal Tasi Tolu ba fali Tibar, no mós loke espasu sidade Dili, atu nune’e transporte públiku sira hanesan, Mikrolete, Taxi, sira ne’ebé mak iha de’it Dili laran bele halo movimentu ba iha ne’ebá no mós aumenta sira nia rendimentu.

Tuir observasaun ajudante bus no mikrolete iha terminal refere kada loron sempre hadau pasajeiru fijikamente, tanba sidauk iha jestaun hosi governu.(Jornalista: Jaime Pires)

Please follow and like us:

NOTÍSIA FOUN

Site Statistics

  • Users online: 4 
  • Visitors today : 731
  • Page views today : 1,097
  • Total visitors : 73,663
  • Total page view: 102,355

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur