Notísia foun


Timor Post (10/11/2020)- Sekretáriu Estadu Juventude no Desportu (SEJD), apoiu orsamentu rihun $104 ba joven sira hodi halo atividade iha loron Juventude Nasionál no Loron Masakre Santa Cruz 12 de Novembru.

Sekretáriu Estadu Juventude no Desportu, Abrão Saldanha, hafoin relata informasaun ba Primeiru Ministru hatete, relasiona ho pandemia covid-19 no orsamentu limitadu no SEJD la lidera maibé entrega ba organizasaun juventude sira mak organiza.

“SEJD agora apoiu de’it inisiativa, tanba loron ne’e loron nasionál juventude nian, tanba ne’e mak SEJD hakarak husik joven sira mak organiza hodi komemora sira nia loron. Ne’ebé SEJD nia papél mak agora apoiu no finansia ba kriatividade ne’ebé mak joven sira aprezenta, ne’ebé orsamentu ne’ebé mak atu finansia atividade ba komemorasaun ne’e hamutuk $104 mill, iha nasionál $40 ita mil, barak liu mak iha munisípiu”, informa Saldanha hosi entrevista ho Jornalista iha Palasiu Governu Tersa (10/11).

Sekretáriu estadu juventude ne’e akresenta atividade komemorasaun hala’o iha munisípiu hotu hotu maibé la’os SEJD maka organiza, sentru juventude sira de’it maka organiza.

Enkuantu atividade ba selebrasaun loron nasionál juventude 12 de Novembru ne’e maka, kompetisaun Pintura, Hakerek no kompetisaun Drum Band, semináriu nasionál, sertame no mós iha konsertu múzika ne’ebé sei realiza Misa iha Igreja Motael-Dili.(Jornalista: Jaime Pires).

Please follow and like us:

NOTÍSIA FOUN

Site Statistics

  • Users online: 1 
  • Visitors today : 347
  • Page views today : 419
  • Total visitors : 145,985
  • Total page view: 209,391

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur