Notísia foun


Timor Post (10/11/2020)-Ministériu Asuntu Parlamentár no Komunikasaun Sosiál (MAPKOMS) ba tinan 2021 prevee iha Orsamentu Jeral Estadu 2021 ne’e ho montante millaun $ 9.930.

Ministru Francisco Jerónimo, relata tinan fiskál 2021 koloka ba saláriu vensimentu $ 866 bens servisu $ 2.736, transferénsia públika $3.410, kapitál minór $218 no kapitál dezenvolvimentu $2.700.

Orsamentu hirak ne’e inklui hotu ona ho SEKOMS, RTTL, Ajénsia TATOLI, Rádiu Komunidade 16 iha territóriu nasionál no diresaun tomak ne’ebé tutela ba ministériu refere.

“Ami-nia osan millaun $9-resin de’it”, informa Ministru ba jornalista sira, hafoin halo audiénsia ho komisaun A iha sala konferénsia PN, segunda (09/11).

Hare ba pedidu adisional la iha Atuál Prezidente FFTL akresenta, Prezidente Komisaun A deputadu Joaquim dos Santos mós dehan ministériu ida-ne’e la mai fó todan ba komisaun tanba MAPKOMS la husu osan foun (adisionál).

“Ami koko jere hodi halo buat ruma iha 2021”, dehan tan Governante
Entretantu Jerónimo adianta programa ne’ebé atu realiza iha 2021 maka kontinua programa naroman ba suku, programa governu ko’alia no medida prinsipál importante sira.

Ministru mós informa MAPKOMS tau osan balu hodi halo atividade publisidade, la’ós de’it iha media nivel estatál hanesan RTTL ka iha TATOLI de’it maibé fó mós oportunidade bele halo mós publisidade iha mídia privadu sira.

“Kuandu halo kontratu ho mídia privadu sira ne’e liu hosi bens serbisu, entaun osan ne’e tau ba iha publisidade hodi fó ba sira”, dehan eis deputadu.

Ministériu ba Asuntu Parlamentár no Komunikasaun Sosiál nu’udar departamentu governamentál responsavel ba konsesaun, ezekusaun, koordenasaun no avaliasaun polítika, definida no aprovada liuhosi Konsellu Ministru reprezenta área komunikasaun sosiál no asuntu parlamentár.

Ministériu ba Asuntu Parlamentár no Komunikasaun Sosiál propoin $ 9.930 ba tinan fiskál 2021.

Marka prezensa iha iha audiénsia públika ne’e Sekretáriu Estadu Komunikasaun Sosiál, Mericio Akara, Prezidente Interinu Agência TATOLI I.P, Manuel Pinto, Prezidente RTTL.e.p, Francisco Gari no ekipa diresaun ne’ebé tutelada ba MAPKOMS.(Jornalista : Julio Salinas Soares)

Please follow and like us:

NOTÍSIA FOUN

Site Statistics

  • Users online: 3 
  • Visitors today : 186
  • Page views today : 221
  • Total visitors : 73,118
  • Total page view: 101,479

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur