Notísia foun


Timor Post (10/11/2020)—Pandemia Covid-19 kontinua sai preokupasaun ba mundu tomak durante fulan hirak nia laran inklui Timor-Leste. Nune’e, estadu dekreta estadu emerjensia ba dala hitu ona hodi bandu sidadaun hotu labele tama no sai fronteira ilegalmente, maibe inan ho nia oan feto ida kontinua kontra bandu ne’e.

Diretora Serbisu Saúde Munisipíu Manufahi, Florenca Corte Real Tilman informa, ema nain rua tama mai Same liu husi Mota Masin Suai Salele mai Same ho ilegalmente agora asegura ona iha kuarentena.

“Feto ida ho ninia oan feto mai iha mota masin ho ida ne’e ninia katuas ona ba tula mai uma ho dia ne’e ninia koinada mai hare hakoak tan alin feto ne’e entau sira nain haat ami hatama hotu kuarantena polo Same,” dehan Florenca ba Timor Post iha Same, Tersa (10/11).

Tuir nia katak, ema ne’ebé tama mai husi rai liur mak hakoak malu ho familia entau serbisu saúde munisipíu Manufahi obrigatoriu tenki karantina hotu no sei la husik ba uma selae iha moras bele daet fali ba ema seluk.

“Ema nain 4 mak ami hatama iha karantina no to’o loron 7 mak ami sei hasai sira nia sampel haruka ba nasionál hodi halo pemerikasaan”nia hakotu.

Sikun seluk komandante komandu polisia distritu Manufahi, superintendente, Joni Viana das Regras konfirma, ema ne’ebé tama ilegalmente mai Manufahi oras ne’e komandu polisia distritu Manufahi relata ona informasaun ba komandu jeral Polisia Nasionál Timor Leste (PNTL) atu enkamina informasaun ba serbisu imigrasaun hodi prega multa.

“Ema ne’ebé tama mai Timor laiha rekonesementu husi estadu Timor Leste ita ba foti sira iha uma iha loron 8 fulan-Novembru foin lalais no agora sira tama ona karantina”nia hakotu.

Enkuantu iha iha seremonia eicar badeira primeira semana, segunda loron (09/11), Prezidente Autoridade Munisipíu (PAM) Manufahi, Arantes Isaac Sarmento dehan, pandemia surtu Covid-19 seidauk para iha Timor inklui mundu.

“Tanba ne’e husu ba autoridade postu, suku, Ofisial Polisía Suku (OPS) inklui ema hotu tenki tau atensaun ba ida ne’e, karik ema ruma tama mai illegal tenki fó hatene ba saúde nune’e hodi tau iha karantina hodi evita transmisaun lokal Covid-19”nia dehan.

Bainhira la tama karantina hodi hetan kontrola husi saúde no ransu hela ho komunidade sira iha liur ne’e risku bo’ot tebes ba komunidade sira tanba ho sitasaun ne’e mak estadu deklara tan Estadu emerjensia ema hotu obrigatoriu tama karantina.

“Ita nia fronteria luan tebes neduni husu ema hotu karik familia ruma tama mai ilegalmente karik tenki tama iha karantina”nia hakotu. (lcl)

Please follow and like us:

NOTÍSIA FOUN

Site Statistics

  • Users online: 0 
  • Visitors today : 202
  • Page views today : 234
  • Total visitors : 240,098
  • Total page view: 346,386