Notísia foun


Timor Post (08/11/2020)—Sekretáriu Estadu Protesaun Sivíl, rejista vítima dezastre 7000 resin hosi fulan Janeiru-Setembru 2020, maibé vítima 1000 resin mak seidauk fó apoiu rekuperasaun.

“Total vítima rejistadu iha ne’e 7000 resin ne’ebé ba rekuperasaun nian ne’e 1000 resin mak ita seidauk fó apoiu rekuperasaun”, dehan SEPS, Joaquim ba jornalista iha Otél Timor, sábadu, (07/11).

Governante ne’e hatete SEPS seidauk fó apoiu tanba presiza verifika didi’ak, I mós orsamentu foin maka promulga entaun planu SEPS sei aplika iha fulan ida ne’e nia laran.

“Ita sei halo hotu iha fulan ida ne’e, tanba foin maka promulga ita nia orsamentu jerál estadu, ita halo hotu fulan ida ne’e” dehan eis MAP.

Joaquim esplika SEPS iha ninia pontu vocal iha para hodi foti dadus dezastre sira ne’ebé maka mosu iha rai laran.

“Dezastre hotu-hotu ne’ebé maka akontese iha munisípiu ita iha pontu vocal iha ne’ebá sei ba halo kedas survei, iha ne’ebá mós ita fó kedas apoiu emerjénsia ba vítima”, katak Joaquim.

Antes liuhosi reuniaun Komité Revizaun Orsamentu Polítika (KROP), Joaquim husu adisional besik dolar millaun 2 hosi tetu inisiál 300,000 ba diresaun nasionál risku no dezastre iha orsamentu jerál estadu 2021.(Jornalista : Julio Salinas Soares)

Please follow and like us:

NOTÍSIA FOUN

Site Statistics

  • Users online: 1 
  • Visitors today : 262
  • Page views today : 372
  • Total visitors : 78,268
  • Total page view: 109,683

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur