Notísia foun


Timor Post (08/11/2020)— Sekretáriu Estadu Protesaun Sivíl, Joaquim Gusmão, informa, sei estabelese tan ekipa Bombeiros iha Munisípiu Ermera, Likisá no Manatutu iha tinan 2021.

“Ida ne’e ita nia planu, tanba ita seidauk iha ekipa Bombeiru iha munisípiu tolu, Ermera, Manatutu no Likisá, ita iha planu para atu bele estabelese iha munisípiu tolu ne’e”, hatete Joaquim, ba jornalista hafoin halo ekontru ho parseiru iha Otél Timor sábadu,(07/11).

Eis Ministru Agrikultura iha VIII governu hatete, reprezentante povu iha uma fukun Parlamentu Nasionál sei aprova orsamentu jerál estadu 2021 nian, nune’e fó kbi’it finanseiru ba SEPS hodi bele trasa ninia planu atu estabelese ekipa Bombeiro ba munisípiu tolu refere.

“2021 ita husu boot para ita nia na’i deputadu sira bele aprova ida ne’e, depois orsamentu aprova 2021 ita bele harii ona”, tenik tan.

Durante ne’e governu loke ona postu bombeiros iha munisípiu Dili Lautem, Viqueque, Baukau, Bobonaru, Aileu, Covalima, Manufahi inklui Rejiaun Administrativu Espesial Oe-Cusse-Ambeno.(Jornalista : Julio Salinas Soares)

Please follow and like us:

NOTÍSIA FOUN

Site Statistics

  • Users online: 2 
  • Visitors today : 1,056
  • Page views today : 1,348
  • Total visitors : 84,903
  • Total page view: 119,155

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur