Notísia foun


Timor Post (05/11/2020)—Timoroan maioria estudante bolseiru ho naun bolseiru ho sidadaun estranjeiru hamutuk na’in-89 aluga tiha ona aviaun marka Cebu Pacific Air hodi tula sira sai husi Manila-Filipina ba Dili-Timor Leste, iha loron Sexta (06/11/2020).

Tuir ajenda ne’ebé fó sai husi parte Terseiru Sekretáriu Embaixada RDTL iha Manila, ba Timor Post haktuir, aviaun sei aranka husi Manila iha tuku 11:00 no to’o iha Aeroportu Internasionál Nicolau Lobato, Dili, tuku 15:00.

Total pasajeirus ne’ebé iha, timoroan hamutuk na’in-71, estranjeiru na’in-8 inklui Padre na’in-ida husi Vietnam, Madre na’in rua husi Filipina atu ba hala’o misaun iha Timor ho Professor na’in-haat ne’ebé atu ba hanorin eskola internasionál iha Dili.

“Sira na’in 89 ne’e maka tau hamutuk osan hodi aluga aviaun ba Timor. Aluga aviaun ne’e por volta de rihun $55,” Laranjeira haktuir.

Laranjeira hatete, inisiativa aluga aviaun ne’e husi rasik timoroan sira ne’ebé maka maioria ba halo estudu iha Filipina gradua hotu ona no iha família na’in-rua ne’ebé ba hala’o vizita iha Manila labele fila tanba atake virus Corona (COVID-19).

Laranjeira hatete, timoroan sira ne’e balun pasaporte mate ona. Nune’e, ho inisiativa ne’ebé sira iha aluga aviaun i tanba ho situasaun COVID ne’e iha toleránsia atu rejolve dala ida iha Timor. (cao)

Please follow and like us:

NOTÍSIA FOUN

Site Statistics

  • Users online: 7 
  • Visitors today : 1,248
  • Page views today : 1,905
  • Total visitors : 71,254
  • Total page view: 98,399

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur