Notísia foun

??????????????????????????????????????????????????????????

Timor Post (05/11/2020)-Prezidente Grupo Mulher Parlamentár Timor-Leste (GMPTL), deputada Lidia Norberta, kondena maka’as ho hahalok autór hamate Domingas Soares no hakanek nia oan feto Lindy Moy iha Rai Kotu Dili, Sesta (05/10).

“Ami hosi GMPTL kondena tebes hahalok at da ne’ebé mak autór halo hasoru alin feto Moy ho nia inan ne’ebé to’o ikus tenke hakotu nia vida tanba ba defende nia oan feto”, afirma Lidia iha parlamentu nasionál Kinta (05/11).

Deputada konsidera nia feto maluk Domingas mate tanba defende nia oan ninia dignidade. Tuir nia katak situasaun ne’e iha sidade bele akontese oinsá ho iha area rural.

“Akontesimentu ida ne’ebé akontese ba vítima ho nia oan feto  ne’e  iha feto maluk sira seluk mós sente, iha ne’e  tanba iha sidade de’it bele akontese hanesan ne’e oinsá iha area rural sira”, dehan  Norberta.

Reprezentante povu ne’e husu ba autoridade kompetente ne’ebé haree kona ba asuntu ida ne’e atu bele tau matan hodi rona halerik no preokupasaun komunidade nian.

“Hahalok at ida hanesan ne’e la hatudu ona moral hanesan ema Timor oan nian”, reafirma deputada partidu fretilín.(Jornalista : Julio Salinas Soares)

Please follow and like us:

NOTÍSIA FOUN

Site Statistics

  • Users online: 2 
  • Visitors today : 1,324
  • Page views today : 2,240
  • Total visitors : 74,256
  • Total page view: 103,498

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur