Notísia foun


Timor Post (26/10/2020)—Deputadu Bankada Demokrátiku (PD), Mariano Asanami Sabino, lamenta ho desizaun Governu nian hapara vou aviaun Citilik neebé atu tula joven lubuk ida ba Dubai.

“Devia apoiu fasilita lalais aviaun ida neebé mak atu mai tula Joven sira lubuk ida iha loron rua liubá, neebé sira aluga aviaun nee para semo to iha Dubai. Hosi Dubai mak fahe malu, balu ba Portugal no balu ba Inglaterra. Tanba nee mak husu para ba oin fó apoiu lalais”, Asanami deklara liuhosi plenária, segunda (26/10).

Asanami dehan, joven sira nee ba buka serbisu iha rai liur, tanba iha Timor-Leste kampu serbisu (kampo trabalho) la iha.

“Joven lubuk ida neebé mak atu sai ba serbisu iha Irlanda no Inglaterra, tanba kampu serbisu iha Timor-Leste nee la iha, sira presiza serbisu ba iha rai liur, para atu fó apoiu ba inan-aman sira”. Atuál prezidente partidu PD nee afirma.
Asanami hatete, timoroan sira neebé mak serbisu iha rai liur hanesan eroi, tanba osan neebé mak sira hetan apoiu fali família sira iha Timor.

“Ita hatene katak, joven lubuk ida neebé mak iha liur, dezde inisiu kedan hau katak sira mak eroi, tanba sira apoiu fali inan-aman sira halo netik buat ruma iha nee, apoiu mós nia alin sira ba eskola ho serbisu neebé mak todan tebes iha Irlanda ho Inglaterra, maibé sira bele halo ida nee”, Asanami informa.

“Ohin loron ita nia traballadores barak iha Korea, Australia no iha fatin barak, tanba kampu serbisu iha nee la iha, tanba nee mak nuudar membru Governu, tenke fasilita no apoiu tomak para oinsá mak sira bele ba liur”. Asanami rekomenda.(azu)

Please follow and like us:

NOTÍSIA FOUN

Site Statistics

  • Users online: 3 
  • Visitors today : 1,408
  • Page views today : 2,256
  • Total visitors : 71,414
  • Total page view: 98,750

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur