Notísia foun


Timor Post (25/10/2020)—Komisaun Anti Korrupsaun (KAK), sensibiliza lei Medida Prevensaun Kombate Korrupusaun (MPKK) ba estrutura sekretariadu Parlamentu Nasional (PN) no funsionáriu sira.

Diretor Jeral Prevensaun KAK, Rosario Salsinha de Aroújo,  hatete iha semináriu sensibilizasaun nee foka liu-ba deklarasaun rendimentus bens intereses.

“Ita hakarak fahe esperénsia hamutuk ho sira, liuliu liga ba lei foun  MPKK. Sira ezije no hakarak hatene tuir oinsá mak KAK nia mekanizmu sira kona-ba deklarasaun rendimentus  bens intereses. Ida nee liga kedan ba kargu xefia sira, tanba aban-bainrua sira hola responsabilidade oinsá atu deklara sira nia riku soin sira tenke ho  justu no transparante, nunee hasees tiha buat ida konflitu interese nee”, Rosario informa ba jornalista sira iha PN, sesta (23/10).

Rosario dehan, iha semináriu nee fahee mós informasaun kona-ba asuntu kriminal sira neebé sita iha Kodigu Penal (KP) liuliu liga-ba  korrupsaun nian.

“Ida nee kuaze tinan-tinan ita fahee hela, mais ida ohin diferente oituan, tanba liga ba asuntu lei (MPKK) foun nee. Mezmu lei nee seidauk entrada em-vigor, mais agora daudaun ita hahu kolia ona para nu-fin kuandu lei nee tun mai implementa, ema barak bele komprende ona”,  Rosario afirma.

Rosario hatete, sidadaun sira neebé mak asume kargu ruma, tuir lei iha obrigasaun deklara riku-soin. Enkuntu la kumpre sei komete inflasaun sira neebé sita iha artigu 50 to 56 kona-ba medida preventiva nian, henesan administrativa, koima no ikus liu mak penal.

Tuir Rosario, iha deklarasaun riku-soin nee, iha buat balun mak tenke konfidensial, hanesan ema nia númeru osan iha konta bankária, inklui buat balun, tanba kabe ba segredu justisa.

“Segrudu justisa nee temi iha lei, kuandu ita la halo ida nee, ema hothotu livre atu kolia tuir nia hakarak, ate hasai tan dokumentu nasaun nian hodi ba implementa iha dalan-dalan, nasaun nia segredu la iha kedan, nasaun labele lao ba oin kuandu hanesan nee”. Rosario dehan.

Atual Diretor Jeral Prevensaun KAK nee, admite katak tuir planu KAK sei sosializa lei MPKK nee ba sidadaun hothotu iha teritóriu nasional.

Iha fatin hanesan, Sekretária Parlamentu Nasional, Adalzija Magno, haktuir iha sensibiliasaun nee haree liuba parte prevensaun nian, para kargu xefia sira bele  komprede, nunee evita komete iha aktu korrupsaun.

“Iha sensibilizasaun nee haree liu ba parte prevensaun nian, para Parlamentu liuliu kargu xefia sira, bele hatene loloos kona-ba lei ida nee, inklui mós ami hakarak hatene durasaun ba ami wainhira atu deklara bens sira neebé mak iha, tanba ita nia lei foun nee mós haruka kargu xefia sira hothotu tenke deklara riku-soin, tanba kadavez ema balun halo hela atuasaun sira neebé mak kontra hela korrupsaun, maibé sira la hatene aktu ida nee korrupsaun, entaun diak-liu KAK bele mai fó hatene detailladu, para sira bele hatene nunee ba oin ita espera katak sira labele kontra”. Adalzija informa. (azu)

Please follow and like us:

NOTÍSIA FOUN

Site Statistics

  • Users online: 2 
  • Visitors today : 1,408
  • Page views today : 2,256
  • Total visitors : 71,414
  • Total page view: 98,750

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur