Notísia foun


Timor Post (20/10/2020)—Governu daualu lideradu Primeiru Ministru Taur Matan Ruak gasta ona osan hamutuk millaun $91.7 durante atake pesti Corona (COVID-19).

Ministru Prezidensial Konsellu Ministru, Fidelis Leite Magalhães hatete, husi total osan ne’ebé governu gasta, fó resposta mós ba impaktu sira ba ekonomia iha rai laran.

“COVID-19, governu gasta ona osan hamutuk millaun $91.7, hodi implementa medida resposta ekonomiku hamutuk 19,” Fidelis subliña iha plenária Parlamentu Nasionál, Tersa (20/10/2020), bainhira halo debate ho deputadu sira kona-ba planu rekopesaun ekonomia.

“Ita mós halo kedas lejislasaun sosiedade sira atu bele implementa ho lalais, ba medida sira ne’ebé mak ita hakarak atu halo,” Fidelis hatete.

Nia hatutan, iha altura ne’ebá filojofia ne’ebé mak governu uza mak atu responde ho di’ak no responsabilidade maibé la’ós responde ho perfeitu ka prefisaun.

Tanba iha inísiu tinan ne’e prefeisaun iha ambiente hanesan ne’e la presiza, tanba partidu politiku hotu-hotu inklui opozisaun rasik ho firme koloka interese nasaun nian as tebes.

Ne’ebé governu rekonese ida ne’e no hato’o obrigadu barak, no timoroan sira hotu hamutuk ho kamada sosiedade nia hamutuk ho lian ida de’it.

Nia dehan, hafoin kria estadu emerjensia, dubsídiu eletrisidade governu fó, bee moos mós fornese, inklui dubsídiu $200 ba uma kain no sira seluk tan.

Governu mós hatama foos hodi atende situasaun ida ne’e ho montante $30 mill toneladas hosi Vietname. (Jornalista: Jaime Pires)

Please follow and like us:

NOTÍSIA FOUN

Site Statistics

  • Users online: 6 
  • Visitors today : 1,326
  • Page views today : 1,879
  • Total visitors : 69,890
  • Total page view: 96,277

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur