Notísia foun


Timor Post (20/10/2020)—Governu liuhusi Vise-Ministra Solidaridade Sosial no Inkluzaun, Signi Verdial promete, semana oin halo ona pagamentu faze daruak ba lista reklamasaun sira ne’ebé verifikadu.

“Pagamentu ba lista reklamasaun sira ne’e semana oin ita halo ona, lista ami taka sai hotu ona,” Vise Ministra Signi informa ba deputadu sira iha debate kona-ba planu rekoperasaun ekonomia iha Parlamentu Nasionál, Tersa (20/10/2020).

Aleinde ne’e, Signi hatutan, nia parte mós sei halo pagamentu ba idozu sira mós iha semana oin.

Resposta governante ne’e hodi hatan ba perguntas husi deputada bankada CNRT, Fernanda Lay bainhira hato’o preokupasaun kona-ba subsídiu ba idozu no lista reklamasaun sira to’o agora governu seidauk hala’o.

Signi hatutan, tuir lista reklamasaun ne’ebé mak agora atu selu ne’e hamutuk 2.900 no 3.000 mill lista pendente sira haruka fila ba ministeriu estatal hodi halo reverifikasaun.

“Kona-ba pagamentu naun formal dadus uta halo prozesaun purvolta 30.000 mill hosi setór informal, tanba ita nia anterior ne’ebé rejistu iha seguransa sosial purvolta 88.000 mill” dehan Nia.

Dadus ne’e rejistu hosi setór orivadu 35.000 mil no mós hosi 40.000 mil hosi setór publiku, tanba ne’e mak ida naun formala halo projesaun purvolta 30.000 mil dadus ne’ebé atu selu iha pakote rekoperasaun tuir mai iha seguransa sosial. (Jornalista: Jaime Pires)

Please follow and like us:

NOTÍSIA FOUN

Site Statistics

  • Users online: 0 
  • Visitors today : 1,289
  • Page views today : 2,166
  • Total visitors : 74,221
  • Total page view: 103,424

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur