Notísia foun


Timor Post (14/10/2020)- konsellu ministru hala’o soru mutu iha palasiu governu ohin, kuarta (14/10), aprova ona aliterasaun ba projetu dekretu lei ba estatutu orgániku Sekretariadu Tékniku Administrasaun Eleitorál (STAE) nian.

Aliterasaun projetu dekretu lei, ba aliterasaun daruak ba estatutu orgánika (STAE) ne’e aprezenta hosi Ministru Administrasaun no Estatál, Miguel Pereira, no hetan aprovasaun hosi Konsellu Ministru ohin.

“Ohin konsellu ministru aprova ho aliterasaun ba projetu dekretu lei kona-ba aliterasaun daruak ba estatutu orgánika sekretariadu tékniku administrasaun eleitorál (STAE) nian” informa Ministru Prezidensiál Konsellu Ministru, iha palasiu governu, kuarta (14/10).

Membru Governu esplika aliterasaun ne’e ho objetivu atu kria estrutura ida ne’ebé forte no adekuadu liután, hodi permite katak instituisaun ne’e presta ba sidadaun eleitór sira no partidu polítiku sira, atu nune’e servisu ida ne’ebé ho kualidade no profisionalizmu boot liu hodi organiza prosesu eleitorál sira.

“Ho intervensaun lejizlativa ida ne’e prosede ba eliminasaun figura adjuntu ba diretór jerál no ba kriasaun durasaun nasionál administrasaun no finansas” dehan Nia.

Governante ne’e subliña, kriasaun diresaun nasionál administrasaun no finansas, aprovizionamentu, lojístika no rekursu umanus, diresaun nasionál koordenasaun munisipál no rejiaun administrativa espesiál Oe-kusi Ambenu (RAEOA).

Inklui mós edukasaun eleitorál no asuntu jurídiku sira no diresaun nasionál ba jestaun baze dadus ba resenseamentu eleitorál ho informasaun públiku no relasaun esterna.(Jornalista: Jaime Pires)

Please follow and like us:

NOTÍSIA FOUN

Site Statistics

  • Users online: 9 
  • Visitors today : 1,641
  • Page views today : 2,712
  • Total visitors : 71,647
  • Total page view: 99,206

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur