Notísia foun


Timor Post (14/10/2020)- Ministru Prezidensiál Konsellu Ministru, Fidelis Leite Magalhães hatete, nia parte la hatene informasaun kona-ba Ministru Finansas, Fernando Hanjam atu rezigna-an hosi nia kargu.

Fidelis hato’o ne’e relasiona ho informasaun hosi online Tempotimor  fo sai katak, “posibilidade Ministru Finansas sei rezigna-an hosi nia kargu tanba kondisaun saúde”

“Ami la komenta laiha informasaun kona-ba ida ne’e, ha’u mós rona ona pergunta balun hosi kolega media balun kona-ba asuntu ida ne’e, maibé laiha informasaun ida kona-ba ida ne’e hodi ami bele divulga ka fahe ba públiku kona-ba ida ne’e”, hateten Ministru bainhira konfirma  iha Palsiu Governu, kuarta (14/10).

Informasaun antes katak, Ministru Finansas, Fernando Hanjam,  tersa feira (13/10) dadeer  hasoru  Primeiru Ministru Taur Matan Ruak,  ko’alia kona-ba asuntu nia rezignasaun tanba kondisaun moras, labele kontinua servisu ida ne’e.

“Loos Ministru nia saúde agora iha hela faze rekuperasaun, ne’ebé kona-ba rezignasaun ne’e now coment de’it tanba laiha buat ida atu komenta” tenik Fidelis.

Iha fatin hanesan, jornalista sira konfirma Vise-Ministra Finansas, Sara Lobo Brites, maibé nia parte mós hatán, laiha informasaun ida kona-ba ida ne’e.

“Ha’u laiha informasaun ida kona-ba ida ne’e, karik rezigna-an nia parte prontu substitui ka lae Sara hatán, ha’u  sente ida ne’e prematura (sedu) demais,” dehan Vise-Ministra.

Antes ne’e informasaun  espalla ona iha media sosiál no  publikada iha media ofisial Online balun katak, posibilidade Ministru Finansas sei rezigna-an hosi nia kargu tanba kondisaun moras. (Jornalista: Jaime Pires)

Please follow and like us:

NOTÍSIA FOUN

Site Statistics

  • Users online: 9 
  • Visitors today : 1,345
  • Page views today : 2,129
  • Total visitors : 71,351
  • Total page view: 98,623

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur