Notísia foun

Ofisiais Polisia Nasional Timor Leste halao hela seguransa iha kampanha parlamentar nian iha rotunda Nicolao Lobato, Komoro Dili , Domingu 16 Juilu 2017. Timor Leste sei halao eleisaun Parlamentar iha dia 22 Juilu 2017.Foto TATOLI/Antonio Goncalves

Timor Post (12/10/2020)- Segundu Komandante Munisípiu Dili, Superintendente Xefe Polisia, Euclides da Costa Belo hatete, aban sidadaun Xina sira mai iha Timor-Leste.

“Agora ami sei halo preparasaun ba kolokasaun seguransa ba sidadaun estranjeiru sira ne’ebé mak aban atu mai hosi Xina” Euclides informa ba jornalista sira iha Komandu Munisípiu Dili, Kaikoli, segunda (12/10).

Nia aumenta, sidadaun sira ne’e aban mai sei ba tau iha kuarentena hamutuk hotel lima to’o neen tanba ne’e sira nia parte sei halo kolokasaun ba membru sira hodi garante seguransa ba sidadaun estranjeiru sira ne’ebé mak aban atu mai ne’e hodi kumpre protokolu saúde nia loron (14) tuir médiku sira nia depois mak sai ba halo servisu.

“Sidadaun sira hosi Xina aban atu mai ne’e, sira maioria iha Timor fa’an sasán no halo uma no konstrusaun sira ne’e, mak aban atu mai no mós balun servisu iha instituisaun governu nia” dehan Nia.

Enkuantu kona-ba total sidadaun Xina ne’ebé mak aban atu mai ne’e, nia parte seidauk bele fó sai nia númeru klaru tanba orasida lokraik mak Komandu Munisípiu Dili sei simu relatóriu ka dadus ba sira nian hira mak atu mai, inklui mai ho aviaun saida no tuku hira.

Kona-ba Hotel ba  kuarentena, Euclides hatete, Hotel Golgotha, Hotel Pionei, Hotel HIO, Hotel New Fortuna, Hotel Jonti no Hotel Mongog.(Jornalista: Jaime Pires)

Please follow and like us:

NOTÍSIA FOUN

Site Statistics

  • Users online: 1 
  • Visitors today : 1,604
  • Page views today : 2,620
  • Total visitors : 71,610
  • Total page view: 99,114

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur