Notísia foun


Timor Post (12/10/2020)- Segundu Komandante PNTL Munisípiu Dili, Superintendente Xefe Polisia, Euclides da Costa Belo afirma, joven sira ne’ebé mak kalan la toba la’o badiu, Polisia Nasionál Timor-Leste (PNTL) sei kaptura nia ba to’o nia Inan Aman hotu.

Euclides hato’o afirmasaun ne’e tanba iha Bairru-Bairru mosu fali ona tuda malu maibé maioria ne’e labarik sira foin sa’e sira de’it mak halo problema.

Tuir autoridade ne’e labarik sira iha inan aman sira nia kontrolu labele husik maibé dala ruma to’o tuku haat tuku lima sira ne’e mós ema toba sira halo barullu.

“Ami komandu PNTL munisípiu Dili hatete ba komunidade sira iha Dili laran tenke kontrola oan sira, kuandu tuku rua tuku tolu mak sira badiu iha liurón mak sira halo problema oan mós ami kaptura no inan aman sira mós ami sei bolu hotu kedas”, tenik Euclides, iha Komandu Munisípiu Dili, Kaikoli, segunda (12/10).

Euclides adianta inan aman sira mós tenke kontribui ba estabilidade, labele husik de’it oan sira ba badiu iha liurón, balun idade seidauk to’o tinan (18) mós husik badiu de’it hanesan ne’e labele.

“Lei protesaun ba labarik ne’e mós iha ne’ebá dó fiar ba inan aman sira mak ema primeiru atu kontrola oan sira” tenik Nia.

Euclides apela ba komunidade sira ne’ebé mak sempre toka music halo barullu iha bairru laran ne’e mós tenke komprende tanba ema balun presiza atu deskansa.

“Tanba sira halo festa iha bairru laran barullu entaun prezudika ema seluk atu deskansa, ida ne’e mós sira tenke tau kestaun, kuandu hakarak halo festa ba aluga iha hotel Delta Nova ne’e bele barullu bele haksoit no mortal iha ne’ebá mós di’ak maibé iha bairru laran prezudika ema, kuandu ami simu informasaun ami sei ba ko’alia kuandu mangame sasán sira ami lori hotu mai”, Nia hakotu.(Jornalista: Jaime Pires)

Please follow and like us:

NOTÍSIA FOUN

Site Statistics

  • Users online: 0 
  • Visitors today : 537
  • Page views today : 709
  • Total visitors : 77,913
  • Total page view: 109,174

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur