Notísia foun


Timor Post (12/10/2020)- Konsellu Ministru estraordinariu ne’ebé mak realiza iha Palasiu Governu, segunda (12/10) ne’e, aprova tetu agregadu no dezagregadu hosi orsamentu jeral estadu 2021 ho montante, dolar amerikanu rihun millaun $1,895.

Hosi montante total orsamentu ne’e millaun $239,26 koresponde ba saláriu vensimentu, millaun 421,49 refere ba bein servisu, millaun $ 669,91 ba transferénsia públiku sira, millaun 61,14 korresponde ba kapital menór,  no millaun 503,20 ba kapitál dezenvolvimentu.

Enkuantu tetu agregadu no dezagregadu ne’e aprezenta hosi Vise-Ministra Finansas, Sara Lobo Brites no hetan aprovasaun hosi Konsellu Ministru Estraordináriu, segunda feita lokraik ne’e.

“Ohin Konsellu Ministru aprova ona tetu agregadu no dezagregadu hosi OJE ba tinan 2021 nian ho montante $1,895 milloes ne’ebé inklui ona ho imprestimu sira” informa Ministru Koordenadór Asuntu Ekonómiku, Joaquim Amaral, ba jornalista sira iha Palasiu Governu, segunda (12/10).

 Eis deputadu ne’e dehan orsamentu ne’e kobre ona ba nesesidade hosi programa no prioridade nasionál sira ne’ebé define ona hosi oitavu govern nian, liu-liu iha nivel dezenvolvimentu kapitál sosiál, ekonómika dezenvolvimentu infraestrutura bázika fundamental, dezenvolvimentu ambientál, no mós alinada ho medida sira ne’ebé tau ona iha planu rekuperasaun ekonomika, inklui mós dezenvolvimentu institusionál no prosesu kona-ba reforma institusionál sira ne’ebé la’o hela.

Enkuantu OJE 2021 ho montante rihun millaun 1,895 hakat liu rendimentu sustentavel  estimativa (RSE/3.3%), maibé  Joaquim rekunese, “loos duni iha senáriu ne’ebé mak governu tenke foti no senáriu ida ne’ebé moderadu tuir mós komisaun ekonómiku ninia aprezentasaun  hosi primeiru segundu to’o terseiru mak oitavu governu foti $ 1,895 atu bele implementa iha tinan 2021” nia hakotu.

Enkuantu OJE 2021 ne’e tuir ajenda sei lori ba iha Parlamentu Nasionál iha loron (15/10/2020) ne’e hodi halo diskusaun ba jeneralidade, espesialidade no aprovasaun.(Jornalista: Jaime Pires)

Please follow and like us:

NOTÍSIA FOUN

Site Statistics

  • Users online: 3 
  • Visitors today : 12
  • Page views today : 13
  • Total visitors : 71,664
  • Total page view: 99,231

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur