Notísia foun


Timor Post (09/10/2020)- Reuniaun Konsellu Ministru sesta (09/10)  aprova  projetu lei ida kona-ba  hafoun fali Ajensia Dezenvolvimentu Nasionál (ADN).

“Konsellu Ministru hala’o sorumutuk iha Palásiu Governu,  aprova ona projetu Dekretu Lei ne’ebé aprezenta husi Vise Primeiru Ministru no Ministru Planu no Ordenamentu, José Maria dos Reis, ne’ebé mak estabelese Estatutu Foun Ajénsia Dezenvolvimentu Nasionál (ADN) nian, ho estatutu foun ne’e hakarak atualiza no revitaliza ka hafoun fila-fali ADN, hodi mantein objetivu hanesan no misaun hanesan”, informa Ministru Prezidensiál Konsellu Ministru Fidelis Leite Magalhães iha entrevista.

Ministru hatutan ho dekretu ne’e hodi re-estrutura ADN ho adaptasaun ba ninia estrutura interna hodi hatán ba dezafiu sira ne’ebé koloka ho di’ak no efikás liután nune’e prosede transformasaun ADN ba institutu públiku, ho personalidade Jurídika, no klarifikasaun ba ninia atribuisaun sira hodi rezolve kestaun sobre pozisaun funsaun sira no hodi aumenta ninia atribuisaun, ne’ebé temi iha estudu no dezenvolvimentu no kapasitasaun professional ba tékniku sira iha setór iha área enjeñaria, arkitetura no projetu sira nian.

Alende ne’e Ministru klarifika mós redasaun refere ba kargu sira diresaun no revista iha estrutura ba ninia servisu sira ADN nian.(Jornalista: Jaime Pires)

Please follow and like us:

NOTÍSIA FOUN

Site Statistics

  • Users online: 1 
  • Visitors today : 894
  • Page views today : 1,363
  • Total visitors : 73,826
  • Total page view: 102,621

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur