Notísia foun


Timor Post (09/10/2020)- Ministru Obras Públika, Eng. Salvador Pires justifika razaun ahi mate lakan tanba agora tempu udan no ahi tohar no estraga liña eletrisidade balun tanba sistema manual.

“Agora tempu udan dala ruma ai tohar hodi kalan iha liña primeiru ne’ebé mak ahi tohar iha Bairru Pite tanba ne’e mak ahi mate, tanba ita nia sistema ne’e manual hela”, dehan  ba Jornalista Enjeñeiru sira iha Palasiu Governu, sesta (09/10).

Relasiona ho situasaun ne’e governante adianta  investimentu longu prazu ne’ebé mak presiza liu ne’e mak atu halo dijitalizasaun.

“Ita husu ona ministériu finansas atu buka fundu externa imprestimu ho nia montante boot uitoan atu bele dijitaliza tiha ita nia sistema distribuisaun ne’e atu nune’e fasilita tékniku sira fasil liu identifika fatin ida ne’ebé mak hetan estragu ka at ne’e”, dehan Ministru.

Ministru hatutan atualmente  kuandu avaria ruma  fíziku boot tékniku bele halo identifikasaun lalais maibé kuandu avaria ki’ik  tékniku sira tenke la’o  hodi buka iha ne’ebá.

“Ita boot sira hare sira kuandu loke, ahi haksoit mak sira foin hatene entre ai riin ida ne’e ho ida ne’ebá, ne’e mak sira foin ba buka lalais no dala ruma lakan tiha mate fali tanba iha sirkuitu balun ne’ebé mak halo sistema ne’e la simu”, haktuir Ministru.

Molok hakotu governante ne’e dehan Governu anterior sira investe ona iha sistema produsaun no transmission, maibé infelizmente iha distribuisaun tenke presiza investe.(Jornalista: Jaime Pires)

 

Please follow and like us:

NOTÍSIA FOUN

Site Statistics

  • Users online: 5 
  • Visitors today : 1,143
  • Page views today : 1,632
  • Total visitors : 32,353
  • Total page view: 44,490

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur