Notísia foun


Timor Post (09/10/2020)- Konsellu Ministru aprova projetu deliberasaun ida hodi hanaruk kontratu ba obra reabilitasaun estrada hosi munisípiu Dili ba Manatutu.

Projetu deliberasaun ne’e, aprezenta hosi Ministru Obras Públika Salvador Dos Reis Soares Pires, no hetan aprovasaun iha konsellu ministru, sesta (09/10).

“Konsellu Ministru ohin aprova  projetu Deliberasaun ida refere ba prosedimentu aprovizionamentu nian hodi alitera kontratu ba obra reabilitasaun estrada Dili-Manatutu, hodi extende (hanaruk) prazu entrega to’o loron 24 fulan-fevereiru tinan 2021, sem aumentu ba kustu kontratuál” informa  Ministru Prezidensiál Konsellu Ministru Fidelis Leite Magalhães.

Nia esplika, maski extende tan loron maibé la aumenta kustu ka osan ba projetu refere, tanba razaun tékniku balun ne’ebé mak mosu inklui ho tempu ne’ebé mak iha hodi tenke muda sai ema sira hela besik area estrada.

“Buat sira hotu ne’e mak iha implikasaun ba iha periodu kontratu nian no mós tempu ka loron atu entrega projetu ne’e tenke halo estensaun to’o fulan Fevereiru tinan 2021. Ne’ebé ha’u repete fila-fali katak estensaun ida ne’e laiha implikasaun ho kustu”, subliña Ministru.(Jornalista: Jaime Pires)

Please follow and like us:

NOTÍSIA FOUN

Site Statistics

  • Users online: 4 
  • Visitors today : 1,620
  • Page views today : 2,658
  • Total visitors : 71,626
  • Total page view: 99,152

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur