Notísia foun


Timor Post (08/10/2020)- Primeiru Ministru Taur Matan Ruak hatete, nia kontente tebes tanba Orsamentu Jerál Estadu (OJE) 2020, pasa iha diskusaun final global Parlamentu Nasionál, kinta (08/10).

“Ha’u kontente los tanba  orsamentu jerál estadu 2020 pasa iha final global nia iha Parlamentu Nasional,”  dehan Nia Ba jornalista sira iha Parlamentu Nasionál, kinta (08/10).

Xefe Governu  lori oitavu governu nia naran agradese ba Prezidente Parlamentu Nasionál no meza parlamentu nasionál nian inklui deputadu no deputada sira hotu espesiál ba bankada apoiu governu ninia.

“Ha’u mós hakarak lori oitavu governu nia naran hakarak fó saudasoens espesiál ba bankada opozisaun ne’ebé mak durante ne’e fó kontribuisaun di’ak loos” louva eis Prezidente da Republika.

Taur dehan Governu rejista bankada opozisaun nia preokupasaun barak, no  espera tempu ba tempu kontinua hadi’a nafatin hodi abilita governu no fó kapasitasaun di’ak ba sidadaun sira.

Eis Xefe Estadu  informa, programa boot no prioritáriu liu ba orsamentu jerál estadu 2020 ne’e mak ba rekuperasaun ekonómika ho valor $100 ita milloes dolar amerikanu, no nia diresaun ba populasaun sira no ba emprezáriu traballadór sira informal no mós formal.

Enkuantu OJE 2020 ho montante biliaun $ 1.497,1 ne’e pasa iha final global kinta (08/10), ho votus afavor (43) kontra (21) abstensaun (1). Orsamentu ne’e prevee ba saláriu no vensimentu millaun $ 206,7 bens no servisu millaun $ 499,3, transferénsia publika miliaun $ 568,7, kapitál menór millaun $ 8,9, no kapitál dezenvolvimentu millaun $ 213,4.

Entre total orsamentu ne’e gasta ona balun hahú hosi Janeiru to’o Setembru liu hosi dotasaun orsamentu temporariu, restu sei ezekuta ba fulan Outubru, Novembru no Dezembru 2020.(Jornalista: Jaime Pires)

Please follow and like us:

NOTÍSIA FOUN

Site Statistics

  • Users online: 2 
  • Visitors today : 1,404
  • Page views today : 2,369
  • Total visitors : 74,336
  • Total page view: 103,627

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur