Notísia foun


TimorPostv(07/10/2020)—Proposta Orsamentu Jerál Estadu (OJE) Ministeriu Obras Públika (MOP) tinan 2020  $ 195. 423 aprovadu  iha faze diskusaun espesialidade.  Rezultadu votasaun ba orsamentu MOP nian, a-favor 43, kontra 9  no abstensaun 12.

“Orsamentu ba Ministériu Obras Públika Pasa”. Prezidente Parlamentu Nasionál, Deputadu Aniceto Longuinhos Guterres Lopes, anunsia liu hosi plenária, iha ambitu debate OJE 2020, iha faze espesialidade,  kuarta (07/10).

Orsamentu ba MOP, deputadu sira hosi bankada opozisaun, aprezenta proposta aliterasaun númeru 27, ne’ebé husu atu diminui montante 26 mill hosi kategoria despeza bens serbisu iha diresaun nasionál estrada ponte no kontrolu Cheias alokadu ba viajen estranjeiru (livru orsamentu A-B), ho razaun tanba tempu ezekusaun ba atividade sira ne’e limitadu, inklui surtu pandemia COVID-19, la permite atu halo viajen ba estranjeiru. Maibé bainhira halo votasaun ba proposta aliterasaun ne’e la pasa.

Ministru Obras Publika, Salvador Pires, klarifika katak, orsamentu ne’ebé propoin iha viajen estranjeiru, bein serbisu, orsamentu ne’ebé selu tiha ona, uza Dotasaun Orsamentu Temporaria, ne’ebé mak atu selu viajen sira ne’ebé MOP hala’o, bazeia ba nota entendimentu memorandum understanding ho kontra partida sira ne’ebé fó formasaun ba staff tékniku diresaun sira, inklui nesesidade sira kona-ba fornesimentu kombustivel jeradores  iha sentru eletrika rua nian.

“Ami propoin atu mantein nafatin osan ne’e, iha ami nia orsamentu, para bainhira kuandu orsamentu ne’e aprovadu no promulgadu, automatikamente hetan dedusaun hosi ami nia orsamentu”,  deklara Ministru  iha debate espesialidade OJE 2020, Kuarta (07/10).

Entertantu orsamentu ba MOP fahe ba kategoria  salariu no vensimentu ho montante millaun $ 5.022, bens no serbisu millaun $ 182. 877, kapitál menór millaun $ 2. 524, kapitál dezenvolvimentu millaun $ 5.000 no ba transferénsia publika laiha.

Ba kategoria Gabinete Ministru $ 679, Gabinete vise ministru  $ 294, unidade serbisu jurídiku $ 6, gabinete inspesaun auditoria $ 81, unidade planeamentu $ 79, diresaun jerál administrasaun no finansas $ 366, diresaun nasionál administrasaun jestaun  patrimóniu $ 1.615, diresaun nasionál orsamentu finansas $ 17.990, diresaun nasionál aprovizionamentu $ 340, diresaun nasionál rekursu umanu $ 1.496.

Diresaun jerál obras publika $41, diresaun nasionál peskiza dezenvolvimentu obras publika $132, diresaun nasionál estrada, ponte kontrolu Cheias $ 5.738, diresaun jerál eletrisidade  $150, diresaun nasionál produsaun elétrika  $338, diresaun nasionál distribuisaun enerjia eletrisidade no apoiu konsumidór $1.393, diresaun nasionál apoiu konsumidór $742, diresaun nasionál tranzmisaun enerjia elétrika $1.103, diresaun nasionál enerjia renovates $132, diresaun nasionál peskiza dezenvolvimentu  eletrisidade $ 112, diresaun jerál Agua no Saneamentu 73, diresaun nasionál serbisu água  $ 3.501, diresaun nasionál jestaun rekursu água  $184, diresaun nasionál serbisu saneamentu báziku  $ 191, diresaun jerál  habit asaun planeamentu urbanu mil $87,diresaun nasionál habitasaun $5, diresaun nasionál edifikasaun $ 198, no provizaun despeza kombustivel, manutensaun jeradores liña tranzmisaun millaun $ 158.357.(Jornalista: Julio Salinas Soares)

Please follow and like us:

NOTÍSIA FOUN

Site Statistics

  • Users online: 2 
  • Visitors today : 172
  • Page views today : 225
  • Total visitors : 78,178
  • Total page view: 109,536

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur