Notísia foun


Timor Post (07/10/2020)- Assessor sein lisensiatura simu saláriu rihun 5 kada fulan, sai duvida  boot ba Vise Prezidente Bankada PD deputadu  Adriano do Nascimento, iha debate espesializada proposta OJE 2020 hosi Ministériu Agrikultura no Peska iha PN Kuarta (7/10).

                “Buat ne’ebé halo ha’u preokupa ohin nia hatete, assessór sira laiha títulu lisensiatura ita boot selu $5 mil, se ida ne’e loos Primeiru Ministru tenke hare ona problema ida ne’e”, Adriano levanta kestaun ne’e iha uma fukun PN.

                Deputadu ne’e rekorde se la sala parese iha ona revizaun dekretu lei balun ne’ebé hatete, lisensiatura ne’ebé zero esperiénsia hahú hosi mil ida ne’ebé iha esperiénsia sira nia saláriu $1.500, mestradu saláriu $1.500 zero esperiénsia to’o $2.500 ba sira ne’ebé iha esperiénsia, ba doutoramentu zero esperiénsia $2.500 to’o $5 mil ba sira ne’ebé iha esperiénsia.

 “Ita la tuir ona regra hirak ne’ebé mak iha mak ema SD ka SMP ka SMA saláriu liu fali ema sira ne’ebé iha títulu ne’e ita halo insultu boot ida ba komunidade akadémiku sira”, subliña deputadu.

Lider partidu PD adianta kuandu la valoriza ona ema sira ne’ebé eskola tinan lubun ida no iha títulu no iha esperiénsia ema bele halai ba nasaun seluk hodi fa’an sira nia matenek.

“Iha nasaun seluk aplika, kuandu ema matenek iha nasaun ne’e la inkomoda sira sempre halai ba fatin seluk hodi fa’an sira nia matenek, tanba ne’e ministru tenke esplika mai sera ké ida ne’e loos iha ita boot nia gabinete”, Nia subliña.

Adriano fó sai katak  iha Ministru Agrikultura no Peska nia Gabinete rasik  ema ne’ebé mak laiha lisensiatura, mestradu no doutoramentu Ministru selu liu $1.500 to’o $5 mil.

Hatán ba ida ne’e, Ministru Agrikultura no Peska, Pedro Dos Rei hatete, nia parte loke odamatan ba Deputadu sira atu ba hare SMA se mak iha ne’ebá simu saláriu $5 mil.

“Odamatan Ministériu Agrikultura no Peska, nakloke ba na’i deputadu no deputada sira atu ba hare, ema SD, SMP no SMA, ida ne’ebé mak simu saláriu $5 mil, tanba ha’u sai servisu hakarak fila loos ba uma lakohi ba fali Bekora” hatán Governante. (Jornalista: Jaime Pires)

Please follow and like us:

NOTÍSIA FOUN

Site Statistics

  • Users online: 4 
  • Visitors today : 1,638
  • Page views today : 2,703
  • Total visitors : 71,644
  • Total page view: 99,197

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur