Notísia foun


Timor Post (06/10/2020)—Aviaun Militar Royal New Zealand Air Force ho marka NPH816, iha tuku 4:30 lorokraik OTL, hatún tiha ona timoroan hamutuk na’in-45 inklui timoroan na’in-35 no sidadaun Nova Zelándia na’in-10, iha Aeroportu Internasional Prezidente Nicolau Lobaro, Komoro, Dili.

Embaixadór Nova Zelándia iha Timor Leste, Philip Hewitt bainhira ba hasoru iha Aeroportu hatete, kontente tebes tanba nia governu bele fasilita aviaun hodi tula timoroan sira hamutuk ho sidadaun Nova Zelándia to’o iha Aeroportu Dili ho susesu.

nia sublina, evakuasaun ba timoroan hamutuk na’in-35 ne’e sai husi nasaun ne’e ba Dili, Timor Leste, tanba durante ne’e sira labele halo viajen impaktu husi atake virus corona (COVID-19).

Embaixadór subliña, governu Nova Zelándia kontinua servisu hamutuk ho Timor Leste iha luta kontra pesti corona no kooperasaun sira durante ne’e la’o no ba futuru kontinua hametin liu tan.

Entretantu Diretór Jeral Assuntu Konsuladu no Protokolar I Mídia, Juvéncio de Jesus Martins haktuir, timoroan ho estranjeiru hirak ne’e hafoin tún husi aviaun ba kedas ida-idak nia uma no kumpri auto kuarentena.

“Sira mai sira kumpri hotu protokolu COVID nian. Sira hala’o hotu auto kuarentena,Sira informa tiha ona mai ami no koordena ona ho saúde para depois bele halo monitorizasaun iha sira nia fatin,” Juvéncio hatete. (cao)

Please follow and like us:

NOTÍSIA FOUN

Site Statistics

  • Users online: 2 
  • Visitors today : 1,318
  • Page views today : 1,870
  • Total visitors : 69,882
  • Total page view: 96,268

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur