Notísia foun


Timor Post (05/10/2020)—Baak karreta vaskolante ida ho xapa matríkula 51-540 hanehan mate João Fernandes de Almeida idade 50 iha Aldeia Fatubesi, Suku Fatukahi, Postu Administrativu Fatuberlio, Munisipíu Manufahi.

Tuir kronolojia, matebian nu’udar kondutor hadi’a hela karreta vanskolante ne’e a’at kleur para hela iha estrada ninin. Matebian hasa’e tiha baak karreta nian maka halo servisu, maibé mola baak nian derepente de’it mamar no baak monu tun ba habit metin hela matebian.

“Matebia hadi’a hela sira nia karreta baskolate ida ne’ebé aat hela iha estrada ninin, no nia hasa’e tiha baak kareta nian halo sa’e tiha mak hadi’a karreta derepente baak ninia mola kal mak la di’ak monu tun habiit mate tiha matebian,” Administrador Postu Administrativu Fatunerlio, Gil Teofilho haktuir ba Timor Post, Segunda,(05/10/2020).

Nia dehan, akontesimentu maizumenus tuku 10 dader no família sira la hatene. Liu tiha minutu hirak nia laran maka estudante sira liuhusi fatin ne’e maka hetan ho hakfodak hodi fó hatene ba família sira.

“Ema hotu lahatene maibé labarik sira atu ba taa ai hodi lori ba eskola mak hetan matebian nia isin baak habiit hela,” Administradór Gil haktuir.

To’o notísia ne’e públika, Timor Post seidauk hetan konfirmasaun ho autoridade seguransa kona-ba investigasaun ba akontesimentu ne’e. (lcl)

Please follow and like us:

NOTÍSIA FOUN

Site Statistics

  • Users online: 5 
  • Visitors today : 1,135
  • Page views today : 1,648
  • Total visitors : 71,141
  • Total page view: 98,142

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur