Notísia foun


Timor Post (30/09/2020)- Ministru Administrasaun Estatál, Miguel Pereira hatete, proposta adisional millaun 50 ne’ebé hato’o hosi PNDS ba konstrui uma 2.544 ba kbiit laek sira ne’e seidauk iha.

“Seidauk iha desizaun kona-ba atu halo uma ba kbiit laek ne’e seidauk iha, maibé governu hanoin hela atu halo duni, kada uma sei halo nia medida 40 metru kuadradu, kuartu tolu hamutuk ho hariis fatin no dapur iha li’ur, ne’ebé nia dezeñu preparadu hotu ona” dehan Ministru ba jornalista sira iha Ministériu Finansas, tersa lokraik ne’e.

Ministru friza desizaun sidauk iha maibé proposta PNDS atrves hosi ministériu hatama tia ona orsamentu 2021″.

Governante informa kritériu atu identifika ema kbiit laek ne’e ministériu kordena hamutuk ho MSSI no mós protesaun sivíl liu hosi mekanizmu ida hodi identifika benefisiáriu ba uma purvolta 2.544.

“Proposta ami propoin ona ne’e kada uma nia kustu mak entre $14 mil ital to’o $17 mil kada uma, maibé depende hosi kuartu sira no mós medida uma nia, tanba ne’e uma hamutuk 2.544 ne’e ita propoin orsamentu purvolta $50 milloes, ministériu propoin duni ona ba (KROP), maibé sira seidauk konsidera proposta ida ne’e, ne’ebé karik iha ona proposta finál haruka ona ba Parlamentu Nasionál mak bele dehan loos”, Ministru esplika.(Jornalista: Jaime Pires)

Please follow and like us:

NOTÍSIA FOUN

Site Statistics

  • Users online: 2 
  • Visitors today : 931
  • Page views today : 1,430
  • Total visitors : 73,863
  • Total page view: 102,688

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur