Notísia foun


Timor Post (30/09/2020)-Sekretaria Jerál Parlamentu Nasionál, Cedelízia Faria, informa parlamentu nasionál liuhosi konsellu administrasaun sei halo rekrutamentu ba asesór na’in 4 ba komisaun espesializada 3 hanesan komisaun C nain-2 no rua seluk ba komisaun A no F.

Faria dehan durante ne’e komisaun iha de’it asesór short-term (termu kurtu), ba fulan 3 de’it liuliu ba komisaun C hodi apoiu ba iha diskusaun orsamentu.

“Rua ne’ebé tama liuliu ba komisaun C, tanba komisaun C halo serbisu ne’e iha kurtu prazu ba fulan 3 nia laran nune’e ba komisaun C nian. Ba komisaun C nia presiza asesór na’in 2 no na’in rua seluk ida ba iha komisaun A no ida ba komisaun F ne’ebé agora halo rekrutamentu ba asesór na’in 4″ informa Cedelizia ba jornalista sira iha parlamentu nasionál, Kuarta (30/09).

Kona bá prosesu Cedelizia esplika primeiru aprovasaun tenke liu hosi konsellu administrasaun no fó kompeténsia ba sekretaria jerál hodi loke prosesu rekrutamentu.

“Ami sei harii ekipa de juri, ekipa de juri ne’e kompostu hosi diresaun sira ne’ebé kompetente, hanesan hosi komisaun C entaun prezidente komisaun C ho ninia membru ida tenke iha laran, parte rekursu umanu hosi gabinete prezidente nian mós nia ema ida tenke iha laran hotu hodi halo selesaun ba dokumentu sira ne’ebé kandidatu sira hatama,” dehan Sekretaria Jerál PN.(Jornalista: Julio Salinas Soares)

Please follow and like us:

NOTÍSIA FOUN

Site Statistics

  • Users online: 0 
  • Visitors today : 364
  • Page views today : 445
  • Total visitors : 70,370
  • Total page view: 96,939

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur