Notísia foun


Timor Post (230/09/2020)- Diretór (FONTIL) Daniel Marçal hateten koitadu ho deputadu bankada parlamentár ne’ebé sira lahatene uza Leptop no foin husu atu fó formasaun.

Marçal fó sai kestaun ne’e iha entrevista ho jornalista hafoin hasoru malu iha palasiu Prezidénsia da Repúblika Aitarak-Laran, Kuarta (30/09).

“Ha’u hanoin ne’e hanesan ita koitadu loos, tuir loloos ema sira ba deputadu ne’e tenke hatene ona buat sira ne’e, la’ós ba tiha deputadu mak foin atu treinu leptop, buat sira ne’e ita preokupa”, Marçal hateten.

Alende ne’e nia deskonfia dala ruma deputadu la iha ID Facebook, Watchap no meisu elektronika sira seluk hanesan Email sira ne’e entaun ida ne’e problema boot.

Relasiona ho deklarasaun deputadu Luiz Roberto nian ne’ebé hatete deputadu balun la hatene uza leptop, Daniel konsidera ne’e la’os deklarasaun bai-bain maibé hamonu kredibilidade hanesan deputadu.

“Sira labele haree katak deklarasaun ida ne’e hanesan buat di’ak ida, maibé ida ne’e deklarasaun ida ne’ebé mak hamonu kredibilidade ka dignidade hanesan deputadu ne’e. Loloos ne’e ema sira ba tuur iha Parlamentu reprezentante povu ne’e buat todan, entaun buat sira hanesan ne’e baziku ona, ne’ebé labele halo deklarasaun tan”, lider sosiedade civil ne’e fakar sai.

Diretór ne’e husu ba reprezentante povu sira atu foka ba problema povu nian la’ós husu atu kursu fali komputadór.(Jornalista: Jaime Pires)

Please follow and like us:

NOTÍSIA FOUN

Site Statistics

  • Users online: 1 
  • Visitors today : 1,414
  • Page views today : 2,402
  • Total visitors : 74,346
  • Total page view: 103,660

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur