Notísia foun


Timor Post (26/09/2020)-Madre sira iha asrama Raina da Paz, durante ne’e toba de’it iha rai.

Asrama ne’e lokaliza iha Aldeia Weberek, Suku Dotik, Postu Administrativu Alas, Munisípiu Manufahi.

Realidade ne’e halo Lider Nasional Kayrala Xanana Gusmao ho Premiadu Nobel da Paz, Jose Ramos Horta hala’o vizita ba fatin ne’e hodi haree ho matan.

Uma ne’ebe Madre sira hela ba, kakuluk taka ho kalen no didin ho triolek. No Madre sira nia toba fatin nahe ho triplek.

Madre Margarida Ceia ba Xanana ho Horta haktuir, kontruksaun ba uma foun iha fatin ne’e hahu iha tinan 2017 no paradu iha tinan 2018.

Madre Margarida dehan, Madre Olga husi Flores mak responsavel ba konstruksaun, maibe to’o agora paradu tanba la selu kompania.

Madre Margarida nu’udar responsavel foun ba Asrama ne’e haktuir, orsamentu ba kontruksaun mai husi Dioseze Dili ho montante rihun $5 no hetan tan apoiu husi ema seluk, maibé to’o agora konstrusaun paradu.

“Problema ne’e, ho sira ne’ebé halo konstrusaun uma ne’e, kontratu sira asina ho ami nia Madre ida la iha ona, entaun ami foun mak mai, fatin ida ne’e ita haree rasik ona ho matan, ami halo buat simples hodi hela iha laran par hein uma ida agora konstrusaun paradu ne’e,” Madre Margarida haktuir ba Xanana ho Horta iha Asrama Raina da Paz.

Entretantu, iha okajiaun Xanana hatete, problema mak la selu kompania ne’e mak hau presiza komprende didi’ak, osan ne’ebé dioseze fo no ema seluk fo ne’e, ba tiha ne’ebé mak la selu kompania.

“Madre ida uluk hela iha ne’e halo kontratu nia halai ba ne’ebé, agora hela iha ne’ebé ha’u hakarak ko’alia ho nia, husu ba nia tanba sa,” Xanana hatete.

Iha vizita ne’e, Xanana ho Horta fo apoiu direita sasan hanesan Fos saka 10, Mina Bimoli Dos 3, Superme Dos 10. (cao)

Please follow and like us:

NOTÍSIA FOUN

Site Statistics

  • Users online: 2 
  • Visitors today : 1,132
  • Page views today : 1,622
  • Total visitors : 80,384
  • Total page view: 112,703

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur