Notísia foun


Timor Post (23/09/2020)—Líder Nasionál Kayrala Xanana Gusmão afirma, durante okupasaun Indonézia, timoroan sira iha frente armada mesak mak luta de’it iha ai-laran sei labele manan funu hodi duni sai inimigu husi Timor Leste.

Xanana dehan, frente armada hamutuk ho frente sira seluk inklui klandestina, diplomata no solidadriedade internasional sira maka liuhusi referendum iha tinan 1999, timoroan sira ho pregu hili rejeita integrasaun ba Repúblika Indonézia.

“Ita la ukun-an, Austrália ho Indonézia maka goja riku soin Timor Leste nian,” Xanana subliña kestaun ne’e bainhira hala’o Misaun COVID iha Suku Tutuluro, Postu Administrativu Fatuberlihu, Munisípiu Manufahi.

Xanana deha, tanba terus no susar sira iha tempu okupasaun nia laran, maka tempu agora Estadu iha obrigasaun moral no polítika atu tau matan ba ferik-katuas sira atu goja netik iha sira nia moris ikus nian.

Ho ida ne’e, Xanana orienta ona autoridade lokál sira foti ona dadus husi ferik katuas sira ne’ebé laiha kbiit liu atu hato’o ba Estadu atu fó atensaun. (cao)

Please follow and like us:

NOTÍSIA FOUN

Site Statistics

  • Users online: 1 
  • Visitors today : 428
  • Page views today : 525
  • Total visitors : 70,434
  • Total page view: 97,019

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur