Notísia foun


Timor Post (23/09/2029)—Orsamentu Jerál Estadu (OJE) tinan 2020 hosi Prezidénsia Repúblika ho montante $ 6.44 millaun, ne’ebé kategoria ba saláriu vensimentu, bens serbisu no transferénsia publika.

“Orsamentu Prezidente nian 6.44 millaun, kompostu hosi saláriu vensimentu, bens serbisu ho transferénsia publika. Nee mak ami hato’o ona, agora hein sira para atu halo diskusaun no halo pareser, depois sira lori ba plenária para haree”, informa Xefe Kaza Sivíl Prezidénsia Repúblika, Francisco Maria Vasconcelos, ba jornalista sira iha Parlamentu Nasionál, hafoin remata audiénsia ho komisaun A, kuarta (23/09).

Francisco dehan, total OJE 6.44 millaun nee, sura hosi Dotasaun Orsamentál Temporária (DOT)  fulan Janeiru mai to Setembru nee, ezekuta ona kuaze 5.46%.

“Hahú hosi Janeiru mai to agora ami ezekuta ona 5.46%. Ami halo ona ami nia planu ezekusaun, to fin do ano, ami bele atinje nafatin hanesan uluk, ami ezekuta to 93%”, afirma Francisco.

Francisco relata, Prezidente iha ninia programa prinsipál, hanesan hametin identidade nasionál, direitus umanus, mantein relasaun internasionál, inklui apoiu governu haree dezenvolvimentu sustentável.

“Prezidente ninia programa prinsipál mak hanesan, hametin identidade nasionál, direitus umanus, mantein relasaun internasionál no ikus liu mak oinsá atu halo serbisu fó apoiu opiniaun ba governu para atu haree dezenvolvimentu sustentável”. Hatete Francisco.

Entretantu, iha loron kuarta (23/09), komisaun sira ne’ebé mak tutela ba Ministériu relevante sira iha Parlamentu Nasionál, komesa hahú ona halo audiénsia ho Ministériu sira, relasiona ho Orsamentu Jerál Estadu (OJE) 202o nian, molok lori ba iha plenária hodi debate no aprova.(Jornalista:  Julio Salinas Soares)

Please follow and like us:

NOTÍSIA FOUN

Site Statistics

  • Users online: 3 
  • Visitors today : 1,375
  • Page views today : 2,185
  • Total visitors : 71,381
  • Total page view: 98,679

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur