Notísia foun


Timor Post (24/09/2020)-Eis Prezidente Republika Jose Manuel Ramos Horta konsidera Eis Komandante Ein Xefe FALINTIL, Kayrala Xanana Gusmao hanesan ho lider bo’ot ida iha Afrika Sul ho naran Nelson Mandela.

Nelson Mandela nu’udar Prezidente kulit metan Áfrika súl nian ba dahuluk. Liu tiha tinan lima nia husik tiha ninia kargu atuhodi halo kapaña hodi aumenta konsiensializasaun no halakon tabu kona-ba HIV/SIDA, bainhira nia dedika ninia tempu hodi harii pás, ho kna’ar ne’ebé sentraliza ba iha negosiasaun iha Repúblika Demokrátika Kongo, Burundi, no nasaun Áfrikanu sira seluk, no iha mundu tomak. Nia mate ho tinan 95. Atu nia bele deskansa iha pás no ninia legadu pás, toleránsia, no aseitasaun ema bele hanoin nafatin tinan ba tinan.

“Sira nia fatin iha luta boot liu fali titulu ofisial ne’ebe ema hotu hetan iha mundu,” Horta sublina iha nia intervensaun iha okajiaun misaun hanaran Misaun COVID ne’ebe Xanana inisia haleu Timor hodi aviza kona-ba impaktu husi moras daet Corona (COVID-19) no hala’o asaun karitativa.

Iha Suku Fahi Nehan, Postu Administrativu Fatuberlihu, Munisipiu Manufahi, Ramos Horta hatete, Xanana nia luta la para hodi salva povu no rai ne’e husi ameasa, susar no terus hotu.

“Nia papel iha istoria luta la’os baibain. Maun Xanana nia naran boot tebtebes, la’os de’it iha rai laran maibe iha mos mundu,” Premiadu Nobel da Paz hatutan.

“Nia mak salva ita husi dezastre boot durante luta no too referendum. Nia mak konsege lidera funu to’o ukun rasik an,” Horta dehan.

Istoria iha nasaun barak iha mundu la konsege susesu i fo terus naruk tebes ba povu. Ezemplu iha Palestina susar tebes.

“Nia mak luta to’o manan fronteira ho Australia. Hau admira ho nia, prosesu nee susar tebes maibe nia konsege hatudu duni ba mundu katak Timor Leste bele duni,” Horta hatete.

Horta dehan, Xanana hanesan jogador famozu no Sekretariu Jeral (ONU) Antonio Guterres mak hanesan arbitru.

Entretantu Horta salienta, ho prosesu sira ne’e hotu no liga ho situasaun politika atual iha rai laran, Horta konklui katak, konflitu politiku normal. Ne mak demokrasia. Maibe importante maka labele soran povu. Demokrasia iha Amerika mak diak liu.

Demokrasia iha Timor Leste di’ak, maibe la signifika estadu lao di’ak.

Horta dehan demokrasia iha Timor pozetivu. (cao)

Please follow and like us:

NOTÍSIA FOUN

Site Statistics

  • Users online: 1 
  • Visitors today : 190
  • Page views today : 261
  • Total visitors : 80,857
  • Total page view: 113,389

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur