Notísia foun


Timor Post (23/09/2020)- Konsellu Ministru (KM),  kuarta (23/09) aprova dekretu lei aliterasaun medida apoiu sesta bázika ba familiar sira iha Timor-Leste tomak.  Projetu dekretu lei refere aprezenta hosi Ministru Koordenadór Asuntu Ekonómiku, Joaquim Amaral.

” Konsellu ministru ohin aprova ona ho aliterasaun sira, iha Konsellu Ministru, atu estabelese medida apoiu sira ba família sira liu husi atribuisaun sesta bázika no mós ba produtór agríkola no operadór komersiál ba produtu alimentár no ijiene pesoál, nasionál no lokál nian sira”, informa Ministru Prezidensiál Konsellu Ministru Fidelis Leite Magalhães, iha Palasiu Governu, kuarta (23/09).

Governante ne’e hakle’an apoiu ne’e ho objetivu atu estimula ekonomia iha kurtu-prazu no fó insentivu ba produsaun no ba komérsiu, iha ámbitu Planu Rekuperasaun Ekonomia nian.

Fidelis fó sai projetu Dekretu-Lei ne’e hatuur  mekanizmu no kondisaun sira ba implementasaun medida hirak-ne’e no kria rejime espesiál ida ba aprovizionamentu iha ámbitu atribuisaun sesta bázika nian.

“Benefisiáriu sira husi sesta bázika ne’e maka ema hirak-ne’ebé nu’udar agregadu familiár hakerek ona iha “Livru Rejistu Uma Kain” ne’ebé hela iha territóriu nasionál tomak iha momentu ne’ebé hala’o distribuisaun ba sesta bázika ne’e” subliña ministru.

Enkuantu sidadaun timoroan sira-ne’ebé agora tama hela iha instituisaun sósiu-edukativa, relijioza, sanitária sira ka ema sira-ne’ebé tama hela iha komarka, maibé sira-ne’e sei simu ketak no la inklui iha sira-nia uma-kain.

“Sesta bázika ne’e sei atribui iha fulan-Novembru no fulan-Dezembru, ne’ebé nia montante fixa tiha ona mak $25 ba membru ida-idak husi agregadu família nian, kada fulan iha fulan rua ne’e nia laran”, adianta Governu.

Ministru hatutan sesta bázika ida bele troka ho folin sasán ne’ebé korresponde ba valór osan nian, ho medida ne’e bele tulun família sira atu sustenta sira-nia nesesidade bázika, nune’e, bele kontribui atu kombate hasoru hamlaha no vulnerabilidade boot ne’ebé eziste iha rejiaun balu iha territóriu nia laran ne’ebé ki’ak no izoladu liu no kontribui atu hadi’a dieta alimentár no nutrisaun ba família Timor-Leste nian, ne’ebé hetan impaktu negativu tanba menus rendimentu.(Jornalista: Jaime Pires)

Please follow and like us:

NOTÍSIA FOUN

Site Statistics

  • Users online: 0 
  • Visitors today : 186
  • Page views today : 256
  • Total visitors : 80,853
  • Total page view: 113,384

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur