Notísia foun


Timor Post (22/09/2020)-Eis Prezidente Republika Jose Manuel Ramos Horta, hatete, Timor Leste nia luta dahuluk liu kontra atake pesti Corona (COVID-19), nia admira tebes ho inisiativa Eis Vise Ministra Saude (VMS), Elia Amaral.

Horta dehan, nia akompana iha momentu ne’eba iha mundu hahu preokupa kona-ba atake COVID-19, governu daualu liuhusi VMS Elia, hahu kedas ho buka fatin ba kuarentena no fatin izolamentu.

Maske nune’e, Eis VMS Elia hetan ezonerasaun husi Prezidente Republika Francisco Guterres Lu Olo bazeia ba rekomendasaun husi Primeiru Ministru Taur Matan Ruak, ho rajaun lakon konfiansa.

Horta dehan, iha momentu ne’eba mos nia akompana Maun Boot Kayrala Xanana voluntariamente tun ba kraik halo asaun hotu hodi fo apoiu maka’as tebes ba governu hodi salva povu husi perigu nia laran.

“Estadu ne’e tenke estadu solidariu. Signifika ita tenke hadomi malu, maibe mos tenke iha asaun. Ne’e mak bele hametin liu tan sosiedade iha dame no paz,” Horta sublina kestaun ne’e bainhira partisipa iha Misaun COVID ne’ebe Xanana lidera iha Suku Grotu, Postu Administrativu Same Villa, Munisipiu Manufahi.

Horta haktuir fofoun nia halo kontaktu ho Xanana bainhira inundasaun boot iha Dili no hahu dadaun mosu atake moras COVID iha Xina.

Horta dehan, nia preokupa tebes ho Xanana nia saude tanba la hatene kole tun ba hamutuk ho povu iha situasaun difisil nia laran. Maibe, ikus mai nia dehan, buka la’o hamutuk ho Xanana iha misaun luta kontra moras daet ne’ebe konsege hamate ona ema rihun ba rihun iha mundu.

Entretantu, iha Grotu, Kayrala Xanana Gusmao, sublina, misaun ne’ebe nia lidera hanaran Misaun COVID, nu’udar asaun importante ida ba nia fo apoiu indireita ba Estadu iha luta ida ne’e no apoiu direita populasaun kbiit laek sira. (cao)

Please follow and like us:

NOTÍSIA FOUN

Site Statistics

  • Users online: 8 
  • Visitors today : 894
  • Page views today : 1,363
  • Total visitors : 73,826
  • Total page view: 102,621

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur