Notísia foun


Timor Post (18/09/2020) — Bankada Parlamentár PD la konkorda ho ideia atu avalia Planu Estratéjiku Dezenvolvimentu Nasionál (PEDN) ne’ebé hato’o hosi Bankada FRETILIN.
Antes ne’e Fretilín liuhosi deklarasaun polítika iha abertura terseira sesaun lejizlativa deklara atu halo avaliasaun ba programa ne’e ultrapasadu ona.

“La presiza re-avalia Planu Estratéjiku Dezenvolvimentu Nasionál tanba hakarak ka lakohi laiha ema ke diskórdia, ita-nia dezenvolvimentu sei konsentra maka’as hela mós ba setór petrolíferu maka hanesan dudu ita-nia dezenvolvimentu ne’e rasik maibé ema ida mós sei labele dehan setór edukasaun, saúde, agrikultura maka sai prioridade nasionál ninian. Sé re-avalia atu re-avalia saida ka atu muda saida, ida-ne’e maka ba PD dehan laiha esénsia atu ema ko’alia polítika sira hanesan ne’e”, hatete Xefe Bankada Partidu Demokratiku, Deputadu António da Conceição “Kalohan” Sesta (18/09).
Tuir Antonio, meta balun iha PEDN ne’ebé la atinje ne’e kestaun tempu tanba refere konsensu iha tinan 2011.

Nia sujere se fretilín atu avalia hodi haree esforsu extra para alkansa objetivu ne’ebé mak ita hotu hakarak bele, maibé muda totál sei lori tempu.
“Sé dehan buat ruma mak la realiza saida mak sei presiza, ne’e laiha problema ne’e bele avalia para 2030 ne’e ita hakarak Timor-Leste ne’e sai país ho rendimentu médiu-altu maibé muda totál sei lori tempu.

Lider Partidu ne’ebé involve no aprova PEDN ne’e rekoñese defaktu buat balu ita seidauk konsege tanba situasaun inserteza polítiku ne’ebé ita hasoru dezde 2017 mai to’o fali agora.

“Ha’u tenke dehan katak la’ós tanba planu ne’e mak la halo maibé ida situasaun polítiku iha 2017 nian sa’e maka infelizmente prezudika no atraza dezenvolvimentu nasionál. Atrazadu ne’e la’ós tanba ema ida ka rua nia hakarak maibé tanba jogu polítiku ne’ebé halo maka la favorese duni implementasaun PEDN ”, afirma lider Bankada PD.(Jornalista: Julio Salinas Soares)

Please follow and like us:

NOTÍSIA FOUN

Site Statistics

  • Users online: 3 
  • Visitors today : 15
  • Page views today : 16
  • Total visitors : 71,667
  • Total page view: 99,234

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur