Notísia foun

Foto kopia husi Sapo.tl

Timor Post (17/09/2020)- Prezidente Komisaun Nasionál Eleisaun (CNE-sigla Portugés), Alcino Baris informa, partidu foun balun halo ona sensebilizasaun maibé to’o agora seidauk rejistu.

“Komentáriu públiku sidadaun balun iha hanoin atu harii tan partidu balun hanesan meius ida atu konkorre iha eleisaun hirak tuir mai, ne’e direitu sidadaun sira nia oinsá atu harii partidu, maibé própriu rekizitu atu harii partidu sira ne’e tenke reúne tanba sira tenke halo inskrisaun hodi hetan proponente”, hatete Prezidente CNE iha entrevista ho jornalista sira iha Edifísiu Cruz Vermella, Bairru Formoza, kinta (17/09).

“Kada proponetente iha munisípiu ne’e mínimu ema rihun ida no nivel nasionál hotu tenke hetan 20 mil” nia akresenta.

 To’o oras ne’e Alcino dehan CNE seidauk hetan informasaun hosi ministériu justisa kona-ba partidu foun ne’ebé mak iha kondisaun.

 “Agora sira ba halo ba rekolla kartaun eleitorál sira ne’e namanas maibé seidauk finaliza ho maneira loke justifika ho sistema seidauk. No hosi ministériu justisa notariadu seidauk hatama dadus sira ne’e atu hare, ema sira ne’e proponente foun ka sira halo ona parte ba partidu sira seluk” tenik Nia.

Entretantu nia rekoñese partidu foun agora intensivu loos mak hanesan PATIFOR maibé restu sira seluk rona de’it informasaun maibé seidauk hare fizikamente.

Maski nune’e nia dehan sidauk tarde partidu foun hotu tanba tuir lei partidu polítiku númeru (02/2016) no lei númeru (09/2017) kona-ba eleisaun parlamentár prazu ba harii partidu polítiku sira, ne’e seis mezes antes eleisaun.

“Entaun sira sei iha tempu”, Alcino hakotu. (Jornalista: Jaime Pires)

Please follow and like us:

NOTÍSIA FOUN

Site Statistics

  • Users online: 6 
  • Visitors today : 1,226
  • Page views today : 2,055
  • Total visitors : 74,158
  • Total page view: 103,313

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur