Notísia foun


Timor Post (17/09/2020)- Akademista Camilo Ximenes hatete, kuadru partidu sira ne’ebé kualifika ba membru governu ba atu defende povu la’ós ba loial ba partidu polítiku. Maibé, nia rekoñese situasaun ne’e akontese tanba menus koñesimentu.

“Ita hatudu ita nia loialidade ba partidu maibé nafatin ho ita nia prinsípiu katak ita mai ne’e defende povu”,  dehan Camilo iha entrevista ho jornalista sira iha Salaun Cruz Vermella Timor-Leste Bairru Formoza, kinta (17/09).

Akademista ne’e observa  realidade akontese membru governu barak mak ba ukun kontinua loial  partidu tanba ne’e ba oin nia husu atu hadi’a.

“Ha’u hanoin ba oin presiza hadi’a instituisaun sira hanesan partidu polítiku tenke hadi’a tanba atraves instrumentu hosi partidu ida mak ita bele garante polítika governasaun, ne’ebé ha’u hanoin sira tenke hadi’a sira nia-an tuir mundu modernu demokrátiku “sujere.

Dosente adianta partidu boot sira sei iha frajilidade barak liu-liu falta rekursu humanu  aleinde ne’e  la hala’o funsaun ho di’ak hanesan tratamentu edukasaun polítiku sira hotu.

Maski nune’e matenek oan ba polítika ne’e konsidera ne’e fenómenu foun ida atu  aprende kria hodi TL bele hetan identidade rasik  foin ukun-an tinan 18.

Nia mós dehan TL  hakarak partidu rua tolu de’it mós bele maski konstituisaun loke dalan ba multipartidaria, maibé nia dehan ida ne’e fila-fali ba sira ne’ebé mak harii partidu.(Jornalista: Jaime Pires

Please follow and like us:

NOTÍSIA FOUN

Site Statistics

  • Users online: 2 
  • Visitors today : 794
  • Page views today : 964
  • Total visitors : 84,641
  • Total page view: 118,771

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur