Notísia foun


Timor Post (16/09/2020)—Ró ho marka Kay Rala Xanana ne’ebé oferese husi governu Xina iha tinan hirak liu ba, oras ne’e dadaun parte seguransa uza ba halo patrullamentu iha liña fronteira tasi liuliu iha Atabae ne’ebé sai mós hanesan odamatan ba movimentasaun ilegal.

Governu hasa’e volume patrullamentu iha fronteira hodi antisipa ema tama sai fronteira no bele lori moras daet Corona (COVID-19), tanba iha Indonézia moras ne’e sae maka’as no konsege hamate ona ema hirun ba rihun.

Vise Ministru Interior, António Armindo, ba Jornalista sira hafoin partisipa reuniaun Konsellu Ministru iha Palasiu Governu, Kuarta (16/09/2020) hatete, ho prezensa ró Kay Rala Xanana bele fasilita di’ak liutan patrullamentu iha área Atabae.

Iiha fronteira, Governante ne’e komenta, kooperasaun servisu polísia no militar la’o di’ak tebes.

“Atu kontrola di’ak movimentasaun ema tama sai iha fronteira, agora dada’uk ita Hasa’e ita nia númeru PNTL ne’e maka agora halo dada’uk,” Antonio hatete.

Nia afirma, aliende alokasaun membru Polísia iha Fronteira aumenta, MI mos orienta UPM lori ro Kay Rala Xanana ba para besik iha Atabae, nune’e ro bele halo kontrola ba movimentu Ilegal sira iha Fronteira Tasi ne’eba.

“Ita nia Unidade Maritima mos ita haruka ba ona, ro Kay Rala Xanana mos ita haruka ba para hela iha Tasi Atabae para Kontrola Fronteira Tasi Nian,”Governante ne’e hatete.

Membru VIII Governu Konstitusionál ne’e afirma, ita haruka tan Bataliaun Orden Públiku, I haruka tan Kompañhia Operasaun Espesiál agora dada’uk iha Fronteira.

Jornalista: Jaime Pires

Please follow and like us:

NOTÍSIA FOUN

Site Statistics

  • Users online: 0 
  • Visitors today : 195
  • Page views today : 231
  • Total visitors : 73,127
  • Total page view: 101,489

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur