Notísia foun


Timor Post (13/09/2020)-Timor-Leste ameasadu sai fatin Tranzisaun ba grupu mafia droga sira nia interese.

Komandante Jerál Polísia Nasionál Timor-Leste, Komisáriu Polísia Faustino da Costa relata matéria bázika droga tonelada 160 ne’ebé destroidu ona iha dia (10/09) hosi PNTL, PSIK, Ministériu Públiku Alfandega no Instituisaun Estadu relevantes sira seluk ne’e númeru ida boot Primeiru liu iha nivel Rejiaun Azia.

Hare ba kuantidade ne’e Faustino afirma Instituisaun estadu sira atu servisu hamutuk ho di’ak no ho fasilidade deteta droga nian para atu halo vijilánsia ba país ida hosi ameasa konsumu no sai fatin Tranzisaum ba grupu organizadu Droga nian.

“Esperansa maka ne’e iha tinan hirak tuir mai bele iha Orsamentu apropriadu ba área sira ne’e para ita kontinua kapasita ita nia ema sira, tantu mós ba kompras ekipamentus nesesariu atu uza ba servisu sira ne’e”, dehan Komandante Jerál PNTL, Komisáriu Polísia Faustino, ba jornalista iha kuartél PNTL Kaikoli, (12/09).

Komandante Jerál ne’e akresenta Timor-Leste bele sai ameasadu ba iha konsumu no mós ba iha fatin Tranzisaum ba grupu organizadu Droga nian, tanba laiha baze legal, ida seluk maka Valór ekonómiku.

“Tranzisaum ne’e hanesan ita hatene katak baze legal ita laiha, iha pontu segundu maka Valór ekonómiku, tanba iha nasaun viziñu balu iha sira ninia lei define katak sasán ne’ebé sai hosi Timor ba sira ne’e aplika taxa lahanesan nasaun sira seluk,” Komisáriu Polísia Faustino observa.(Jornalista Julio Salinas Soares)

Please follow and like us:

NOTÍSIA FOUN

Site Statistics

  • Users online: 5 
  • Visitors today : 1,340
  • Page views today : 1,903
  • Total visitors : 69,904
  • Total page view: 96,301

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur