Notísia foun


Timor Post (14/09/2020)- Tera Mau Bulak, afirma nia prontu kontra Prezidente Tribunal Rekursu Deolindo dos Santos relasiona ho disputa entre tribunal ho Veteranu ba eis Camp Phoenix Kaikoli-Dili.

Husi parte tribunal prefere fatin ne’e ba harii tribunal supremu, enkuantu parte veteranu hakarak harii sede konsellu veteranu.

“Primeiru Ministru ohin dehan sira sei buka meius hodi halo oinsá no desizaun seidauk iha tanba fatin Arte Moris ami la simu, maibé prezidente Tribunal Deolindo tenke konxiente no rekoñese ami tanba fatin ne’ebá ne’e ami deside atu harii fatin ba mate ho ran lakon no terus susar ninia sede iha ne’ebá, la’ós atu ba harii ‘tribunal’ iha ne’ebá” afirma Terre Maubulak hafoin remata enkontru ho Primeiru Ministru Taur Matan Ruak iha Palasiu Governu, segunda (14/09).

Eis Gerilleiru ne’e dehan Sé PTR nu’udar ema moris nia tenke rekoñese veteranu, tanba hosi veteranu maka mak tau PTR iha ne’ebá no povu mak tau nia iha leten.

“Nia (Deolindo) tenke hare ami no hare ami nia difikuldade no ami nia hakarak, maibé nia kaer lei hodi kontra ami, ami prontu kontra nia de’it, ami nia intelektuál barak atu debate ho nia” Terra kasu lia ne’e ba jornalista sira.

Veteranu ne’e aprofunda Tribunal buat ketak, veteranu buat ketak no fatin ne’ebá ne’e buat ketak ida, maibe tanba fatin refere halo manifestasaun iha ne’ebá mak hatún indonézia iha ne’ebá.

“Ami defende istória no ami veteranu defende ami nia orijen. Agora ami hakarak atu harii sede Konsellu Veteranus iha ne’ebá, Prezidente Tribunal Deolindo dos Santos la aseita tanba sira hakarak harii tribunal supremu”, hateten Tera Maubulak.

Entretantu Veteranu konsidera eis Tingkat I ne’e hanesan fatin istóriku no uluk sira halo manifestasaun iha ne’ebá mak hatún indonézia.

Antes ne’e governu fó fali Arte Moris ba fatin hodi harii Konsellu Veteranus maibé Terra hatete veteranu Arte Moris sira nia parte la aseita.

“Primeiru Ministru ohin dehan sira sei buka meius hodi halo oinsá no desizaun seidauk iha tanba fatin Arte Moris ami la simu”.(Jornalista: Jaime Pires)

Please follow and like us:

NOTÍSIA FOUN

Site Statistics

  • Users online: 3 
  • Visitors today : 687
  • Page views today : 910
  • Total visitors : 140,871
  • Total page view: 201,557

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur