Notísia foun


Timor Post (12/09/2020)—Lider Nasionál Kayrala Xanana Gusmão afirma, governu ne’ebé hanaran-an konstitusional tenke aprejenta ba povu programa nasionál no vizaun estratéjiku foun ba setór petrolíferu.

“Ha’u nu’udar sidadaun iha direitu atu husu misaun ne’e ida ne’ebé, no misaun etretejiku ba setor ne’e saida loos, ha’u hanesan sidadaun iha direitu atu ezije ba governu atu aprezenta mai povu tomak,” Xanana subliña kestaun ne’e bainhira sai oradór iha semináriu nasionál ne’ebé organiza husi movimentu profesionál apoiu Xanana ho Partidu CNRT ho tema “Maun Boot Kay Rala Xanana Gusmão ho Partidu CNRT nia ukun mak bele asegura rikusion timor nian no dada kadoras mai Timor-Leste”.

Eventu ne’ebé realiza iha salaun Katedral, Sábadu (12/09/2020), Xanana dehan, governu iha responsabilidade atu aprezenta ba povu tomak kona-ba vizaun foun ne’e, tanba governu tenke presta kontas ba sidadaun no povu tomak kona-ba mudansa.

“Ne’ebé mudasas estratejika ne’e fó sai mai, tanba hanesan ha’u rasik no sidadaun barak imi iha interesadu tebes atu haree no konsulta vizaun no estratejia foun ne’e, hodi hamosu konsulta públiku ruma,” Xanana subliña.

Xanana hatutan, governu daualu ne’ebé temi naran kontitusional tenke la’o ho nia programa rasik.

“Entaun hatudu programa foun ida mai ba, programa ida ne’ebé hatudu duni insusesu iha ne’ebé de’it, brani ba hodi fó hatene ba povu timor tomak no husu parlamentu nasionál atu valida tia prograna foun ne’e no ami husu de’it halo ba ho onestidade, trasparénsia no responsabilidade ne’ebé ita nia povu hein no merese,” Xanana hatete.

“Ita hotu rona lei das mudansas iha pilar estruturante nasaun nia, labele halo ho despedimentu ka hasai ema arbiru no la halo ho ko’alia mamuk de’it ka asbun-asbun (asal bunyi-asal bunyi) de’it ” Xanana hatete.

Iha seminariu ne’e rasik partisipa masimu hosi estudante sekundáriu no universitáriu sira iha Munisípiu Dili, joventude no kuadru, militantes no simpatejantes partidu CNRT.

Observasaun Timor Pos haktuir, iha seminariu ne’e partisipa mós hosi Líder Nasionál José Ramos Horta, Jurista Avelino Coelho, José Luis Guterres, eis membru governu sira no mós atual deputadu partidu CNRT nian.

Jornalista: Jaime Pires

Please follow and like us:

NOTÍSIA FOUN

Site Statistics

  • Users online: 2 
  • Visitors today : 1,082
  • Page views today : 1,295
  • Total visitors : 37,942
  • Total page view: 52,256

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur