Notísia foun


Timor Post (11/09/2020)—Embaixada Austrália anúnsia ona konvite hatama proposta hodi apoia rekoperasaun ekonómiku durante COVID-19 iha Timor-Leste tuir programa ida naran Plataforma Parseria ba Negósiu (sigla Inglés: BPP).

Nota ba imprensa ne’ebé Timor Post asesu haktuir, Plataforma Parseria ba Negósiu nu’udar inisiativa matadalan ida husi Governu Austrália. Plataforma ne’e apoia parseria ho negósiu sira hodi fornese kreximentu ekonómiku ida ne’ebé sustentavel no hamenus ki’ak, nune’e mós plataforma ne’e asegura hamoris hikas fali komersiu ba negósiu.

“Negósiu sira kruxiál tebes hodi tulun rekoperasaun ekonómiku no responde ba COVID-19 ho dalan rekopera ekonomia. Iha Timor-Leste, oportunidade ba negósiu liuhosi dalan parseria ho Governu Austrália bele hadi’ak oportunidade ba bem-estar, hasa’e igualdade jéneru no apoia dezenvolvimentu ba abilidade no rekoperasaun ekonómiku ida ne’ebé reziliente liu” – tenik S.E. Peter Roberts OAM, Embaixadór Austrália ba Timor-Leste.

Plataforma Parseria ba Negósiu bele tau-liman hamutuk iha forsa finansia ho negósiu sira hodi apoia ba rekoperasaun ekonómiku ba COVID-19 liuhosi dalan estabelese parseria ne’ebé sei kontribui ba dijitalizasaun, dezenvolvimentu abilidade ba traballadór no negósiu eskalaun kiik-tebes, kiik, médiu, rekoperasaun ekonómiku ba feto sira, ka rekoperasaun Verdi. Iha Timor-Leste, ami buka atu hala’o parseria ho setór hirak mak hanesan, Agrikultura, seguransa alimentar no nutrisaun; Inkluzaun finansa no Turizmu.

Negósiu sira bele aplika individualmente ka tuir konsorxium ida. Governu Austrália sei fornese fundu finanseiru ne’ebé mak iha tuir pedidu to’o másimu Dollar Austrália rihun-atus-lima ba inisiativa negósiu ne’ebé mak sei sai manan na’in.

Ami enkoraza negósiu hirak ne’ebé la’o ho ideia komersiu mak hamosu impaktu sosiál ba tempu naruk atu kontaktu Embaixada Austrália iha Dili, liuhosi e-mail: David.Orr@dfat.gov.au. ka vizita sítiu internet: thebpp.com.au hodi hetan informasaun ne’ebé klean liu. Aplikasaun ba plataforma ida ne’e sei taka iha loron haat (4) fulan Novembru 2020. (*/cao)

Please follow and like us:

NOTÍSIA FOUN

Site Statistics

  • Users online: 2 
  • Visitors today : 206
  • Page views today : 266
  • Total visitors : 78,212
  • Total page view: 109,577

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur