Notísia foun


Timor Post (09/09/2020)-Ministru Ensinu Superior Siénsia no Kultura (MESSK), Longinhos dos Santos nomeia Rui Daniel de Carvalho ba Prezidente Konsellu Jerál Institutu Politéknika Betanu (IPB).

“Ohin konsellu ministru aprova projetu ida hodi nomeia Rui Daniel de Carvalho hanesan Prezidente Konsellu Jerál Institutu Politékniku Betanu nian (IPB)”, informa Ministru Prezidensiál Konsellu Ministru Fidelis Leite Magalhães ba iha Palasiu Governu, kuarta (09/09).

Membru Governu ne’e hatutan projetu rezolusaun governu ne’e aprezenta hosi Ministru Ensinu Superior Siénsia no Kultura, Longinhos dos Santos.

Rui Daniel sei assume knar nu’udar Prezidente Konsellu Jerál IPB tinan tolu hosi 2020 to’o tinan 2023 mai.

Alende ne’e Fidelis informa Konsellu Ministru aprova halo nomeasaun mós ba Edmundo Viegas hanesan suplementu Konsellu Jerál PIB nian.

“Ministru Ensinu Superiór, Siénsia no Kultura, Longuinhos dos Santos, aprezenta projetu rezolusaun Governu nian, ne’ebé aprova husi Konsellu Ministru, kona-ba nomeasaun Rui Daniel de Carvalho hanesan Prezidente Konsellu Jerál Institutu Politéknika Betanu nian (IPB) ba mandatu tinan tolu no ba nomeasaun Edmundo Viegas hanesan suplementu Konsellu Jerál IPB nian”, Nia hakotu.(Jornalista: Jaime Pires)

Please follow and like us:

NOTÍSIA FOUN

Site Statistics

  • Users online: 0 
  • Visitors today : 537
  • Page views today : 709
  • Total visitors : 77,913
  • Total page view: 109,174

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur