Notísia foun


Timor Post (09/09/2020)- Konsellu Ministru hala’o soru mutu iha Palasiu Governu (09/09) aprova projetu Dekretu-Lei, kona-ba aliterasaun dahuluk ba Dekretu-Lei Nu.7/2019 loron 15 fulan-Abríl kona bá estrutura orgánika Ministériu Defeza nian.

Enkuantu projetu Dekretu-Lei, kona-ba aliterasaun dahuluk ne’e aprezenta hosi Ministru Defeza no Seguransa Filomeno Paixão de Jesus.

“Konsellu ministru ohin aprova ona projetu Dekretu-Lei, kona-ba aliterasaun dahuluk ba Dekretu-Lei Nu.7/2019 loron 15 fulan-Abríl ne’ebé aprova Estrutura Orgánika Ministériu Defeza nian” informa Ministru Prezidensiál Konsellu Ministru, Fidelis Leite Magalhães ba Jornalista sira iha Palasiu Governu, kuarta (09/09).

Ministru esplika aliterasaun ne’e sentidu atu promove atualizasaun, rasionalidade, efisiénsia no efikásia estrutura Ministériu defeza nian.
“Projetu Dekretu-Lei ne’e hala’o eliminasaun ba Gabinete Kooperasaun Tékniku-Militár no ba Gabinete Arkivu Jerál Defeza nian, no ba kriasaun iha ámbitu Diresaun-Jerál Administrasaun, Diresaun Nasionál ba Planeamentu no Diresaun Nasionál ba Informasaun, Teknolojia no Komunikasaun nian,” subliña Governante.

Fidelis akresenta ho aliterasaun ne’e alitera ona kompozisaun ba Konsellu Superiór Defeza Militár nian, ne’ebé hatudu iha dispostu ba aliterasaun dahuluk ba Lei Defeza Nasionál nian nune’e mós ba kargu ba Xefe Gabinete Jurídiku no Forsa 2020 ne’ebé ekiparadu iha termu salariál ba kargu Diretór-Jerál.(Jornalista: Jaime Pires)

Please follow and like us:

NOTÍSIA FOUN

Site Statistics

  • Users online: 1 
  • Visitors today : 1,057
  • Page views today : 1,349
  • Total visitors : 84,904
  • Total page view: 119,156

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur