Notísia foun


Timor Post (08/09/2020)- Provedora Provedoria Direitu Humanus no Justisa (PDHJ) Jesuina Maria Ferreira Gomes, hatete to’o oras ne’e PDHJ rejista ona keixa hamutuk (155) indikasaun violasaun direitus humanus hamutuk (59) no indikasaun direitus humanus ba boa governasaun hamutuk (96).

Jesuina esplika PDHJ depois rejista halo fali apresiasaun ba keixa sira ne’e liu hosi relatóriu avaliasaun preliminár atu identifika keixa sira ne’e tama iha PDHJ nia mandatu ka lae.

“Se tama iha PDHJ nia mandatu sei kontinua ho prosesu investigasaun, se lae haruka ba iha entidade kompetente ne’ebé mak iha liu kompetensia atu rezolve sidadaun sira nia keixa” esplika Provedora ba jornalista sira iha Palasiu Governu, tersa (08/09).

Autoridade PDHJ la rezolve ema nia kazu ka keixa maibé halo apresiasaun halo avaliasaun no halo investigasaun, depois konklui investigasaun halo rekomenda ba iha entidade relevante hanesan ministériu, sekretáriu estadu no instituisaun públiku sira mak iha obrigasaun para rezolve sidadaun sira nia problema, enkuantu PDHJ halo de’it investigasaun no konklui iha rekomendasaun.(Jornalista: Jaime Pires)

Please follow and like us:

NOTÍSIA FOUN

Site Statistics

  • Users online: 2 
  • Visitors today : 382
  • Page views today : 467
  • Total visitors : 70,388
  • Total page view: 96,961

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur