Notísia foun


Timor Post (08/09/2020)- Prezidente Komisaun Funsaun Públika Komisáriu Faustino Cardoso hatete, lei la obriga (KFP) atu reforma funsionáriu sira ne’ebé idade (60) ba leten ona.

Eis Prezidente Komisaun Nasionál Eleisaun (CNE) subliña lei númeru 12/2016 kona-ba seguransa sosiál seidauk iha artigu ida atu obriga funsionáriu sira ne’ebé mak to’o ona tinan (60) atu tama ba reforma ona.

“Atu tama ba reforma ka lae depende ona ba iha ida-idak ninia rekerimentu kuandu tama komisaun funsaun publika prosesa ba iha institutu nasionál seguransa sosiál atu prosesa benefísiu seguransa sosiál ba iha ida-idak ninia.

Maibé, ita labele obriga sira idade (60) ba leten atu reforma tanba lei la fó dalan ka la obriga, depende ba ema ida-idak nia hakarak” hateten Prezidente KFP Komisáriu Faustino ba jornalista sira iha Palasiu Governu, tersa (08/09).

Faustino aumenta, kuandu ema ne’ebé mak idade (60) leten ona maibé sei iha forsa no hakarak kontinua servisu, entaun nia kontinua servisu, tanba lei laiha dalan atu obriga nia tenke reforma.

“Se ita hakarak obriga sira idade (60) ba leten tenke reforma entaun ita tenke halo aliterasaun ba iha lei númeru (12/2016, no kompetente ida ne’e kompetente eskluziva parlamentu nasionál nian” revela Faustino.

Faustino fó sai ona, oras ne’e KFP halo ona komunikasaun ho Parlamentu atu hare ba asuntu ida ne’e (alitera leir), atu iha KFP ida ne’e korresponde ho situasaun demografika populasional Timor-Leste nian ne’ebé maioria domina ho idade joven.

“ Duke iha funsaun publika ida ne’ebé katuas ferik no servisu mós matan dukur hela de’it no laiha ona produtividade”, Faustino hakotu.(Jornalista: Jaime Pires)

Please follow and like us:

NOTÍSIA FOUN

Site Statistics

  • Users online: 0 
  • Visitors today : 515
  • Page views today : 670
  • Total visitors : 77,891
  • Total page view: 109,135

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur