Notísia foun


Timor Post (07/09/2020)-Prezidente Parlamentu Nasionál Aniceto Guterres, haruka Aliansa Universitáriu Timor-Leste (AUTL) atu klasifika no identifika estudante ensinu superior iha rai laran sira ne’ebé laiha kapasidade finanseiru, sai baze ba parlamentu hodi bele bolu governu mai bele resolve problema ne’e.

“Iha loron 21 fulan Augusto 2020 hafoin halo audiénsia ho Prezidente Parlamentu Nasionál rekomenda, haruka ami atu klasifika ka identifika estudante ensinu superior iha rai laran, liuliu ba sira ne’ebé laiha kapasidade finanseiru, ida ne’e sai nu’udar dadus ida mai AUTL hodi mai aprezenta ba PPN, Komisaun F no G atu nune’e sira bele bolu ita governu mai resolve problema ne’ebé mak estudante universitáriu sira iha rai laran enfrenta,” informa reprezenta Portavós AUTL, Moisés Soares Magno, ba jornalista sira iha hafoin remata hatama karta audiénsia daruak ba iha meza sekretaria jerál PN, Segunda, (07/09).

AUTL husu ba Governu liuhosi Ministériu ne’ebé relevante atu suspende lai propina semester par 2020 hanesan ne’ebé governu apoiu ba estudante noun bolseiru sira ne’ebé iha estranjeiru tanba situasaun pandemia Covid-19.

Maibe Ministru Ensinu Superior no Siénsia no Kultura Longuinhos dos Santos, antes ne’e deside katak estudante UNTL Governu deside kontinua selu, maibé ba ensinu superior privada desizaun iha sira nia fundasaun.(Jornalista Julio Salinas Soares)

Please follow and like us:

Site Statistics

  • Users online: 4 
  • Visitors today : 406
  • Page views today : 496
  • Total visitors : 70,412
  • Total page view: 96,990

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur